Hemilton əyləc sisteminin yaxşılaşdırılmasını istəyir - “Azərbaycanda özümü yaxşı hiss etmədim”
“Ferrari”nin piloltu Lüis Hemilton belə hesab edir ki, əyləc sisteminin işinin yaxşılaşdırılması ona SF-25 bolidi ilə daha yüksək nəticələrə nail olmaqda yardım edəcək.
"Football-plus.az" xəbər verir ki, 40 yaşlı britaniyalının açıqlaması ilə tanış olun:
“Düşünürəm ki, özümü yarış meydanında daha aqressiv aparmaq planında müəyyən irəliləyiş var. Maşınım artıq daha sürətlidi. Ancaq əyləc sisteminə 100 faiz əmin deyiləm. Montsada bu mənada vəziyyət daha yaxşı idi, sevindim. Ancaq Azərbaycanda özümü yaxşı hiss etmədim. Hər halda, tərəqqiyə nail olmaqdayam”.
Onu da xatırladaq ki, Hemilton hazırda dünya çempionatında 6-cı pillədə qərarlaşıb. Britaniyalı pilot İtaliyada mərhələsində 5-ci olub, Azərbaycanda isə finişə 12-ci yerdə çatıb.
