İmişli - Zirə 1:1 (1:0)
33. Andrey Sinenka - 6,0
29. Edvin Banquera - 5,5
19. Azər Salahlı (k) - 5,5
14. Ronaldo Rodriges - 6,0
23. Dioqo Rollo - 6,5
44. Həzrət İsayev - 5,5
17. Ezekyel Morqan - 5,5
(5. İdris İnqilablı, 75) – 4,0
21. Abbas Ağazadə - 6,0
10. Nikola Karaklaiç – 5,0
(11. Vüsal Qənbərov, 69) – 4,0
7. Juninyo - 5,5
(22. İbrahim Əliyev, 87) - qiymətsiz
9. Dioqo Almeyda – 5,0
(97. Xəzər Mahmudov, 87) - qiymətsiz
Ehtiyat oyunçular
1. Hüseynəli Quliyev
99. İmam Əli
77. Elmir Rəhimzadə
27. Lətif Rzayev
3. Tuncay Yusifli
Baş məşqçi: Jorj Kaşkilya
Komandanın ən yaxşısı: Dioqo Rollo

97. Tyaqo Silva - 5,5
20. İssa Cibrila - 6,0
(25. Enrike Kustodio, 70) - 5,5
5. Ange Mutsinzi - 5,5
4. Ruan Renato - 6,0
32. Qismət Alıyev - 6,0
8. İsmayıl İbrahimli - 5,5
(77. Yeqor Boqomolski, 70) - 5,5
17. Ayron Qomis - 5,5
11. Junior Martins – 5,0
(70. Namik Ələskərov, 46) – 5,0
93. Brahim Konate - 5,5
10. Georgi Papunaşvili - 6,0
9. Davit Volkov - 6,5
Ehtiyat oyunçular
13. Aydın Bayramov
41. Anar Nəzirov
21. Hacıağa Hacılı
7. Rövlan Muradov
29. Ceyhun Nuriyev
26. Stefan Aka
30. Rikardo Martins
6. Eldar Quliyev
14. Elçin Əlicanov
Baş məşqçi: Rəşad Sadıqov
Komandanın ən yaxşısı: Davit Volkov

Qollar: D.Rollo, 24 (1:0). D.Volkov, 80 (1:1).
Vərəqələr: Q.Alıyev, 17 (qeyri-idman hərəkəti). A.Mutsinzi, 23 (qeyri-idman hərəkəti). E.Morqan, 55 (qeyri-idman hərəkəti). R.Rodriges, 74 (oyunun bərpasının ləngidilməsi) - sarı.
Hakimlər: ƏLİ ƏLİYEV, Teymur Teymurov, Cəmil Quliyev, Tural Qurbanov (hamısı Bakı).
VAR hakimi: Elçin Məsiyev (Bakı).
VAR hakiminin köməkçisi: Elşad Abdullayev (Bakı).
Hakim-inspektor: Feyzulla Feyzullayev (Bakı).
AFFA nümayəndəsi: Elçin Mehtiyev (Bakı).
26 sentyabr. Quba. Olimpiya İdman Kompleksinin stadionu. 200 tamaşaçı (6800 yerlik).
Birinci hissəyə 2, ikinci hissəyə 3 dəqiqə əlavə olunub.
Oyunun qiyməti: 5,5

İlk turda son saniyələrdə buraxılan qolla uduzan və ardından məğlubiyyət üzü görməyən “İmişli” əvvəlki üç oyunda meydançadan qalib ayrılan tərəf idi. Düzdü, həmin qələbələrdən biri texniki məğlubiyyətə çevrilmişdi. Turnir cədvəlinin lideri “Zirə” üçün bu oyun xal qazanmaq baxımından önəmli idi.

Oyun “Zirə”nin dominantlığı ilə start götürdü. İlk zərbə də “qartallar”dan gəldi. 3-cü dəqiqədə Cibrila cərimə meydançası daxilindən zərbə vurdu, Sinenka topu dəf etdi. Üç dəqiqə sonra isə Qismətin asmasından sonra Volkovun zərbəsi qapı tirinin üstündən meydanı tərk etdi. Oyun sürətə, dinamikaya yaxın idi. Amma qazonun durumu buna imkan vermirdi. 20-ci dəqiqədə isə standart vəziyyətdən sonra “İmişli”nin qapısı önündə təhlükə yarandı. Qismətin asmasından sonra Qomis başla zərbə endirdi, yenə də “çərçivə”yə düşmək mümkün olmadı. Əvəzində Aran təmsilçisi elə ilk ciddi hücumda hesabı açdı. Qarışıqlıqdan yararlanan braziliyalı mərkəz müdafiəçisi Rollo çempionatda ilk qolunu vurdu. “Zirə” hissənin sonuna qədər çox çalışsa da, hesabı bərabərləşdirə bilmədi. 45-ci dəqiqənin tamamında Cibrila yerlə qapıya zərbə endirdi, Sinenka inamlı oynadı.

İkinci hissə qonaqların aşkar üstünlüyü şəraitində keçdi. Rəqibi meydanın tam özünə aid hissəsinə sıxışdıran qəsəbə təmsilçisi ikinci yarıda ilk zərbəni 52-ci dəqiqədə reallaşdırdı. Papunaşvili cərimə zərbəsindən sonra qapını “nişan alsa” da, Sinenka düzgün mövqe seçmişdi. Cinahlardan müdafiəni yarmağa çalışan “Zirə” xeyli standart vəziyyət qazandı. 72-ci dəqiqədə künc zərbəsindən sonra Renato akrobatik tullanışla qapıya zərbə endirdi, bu top isə belaruslu qapıçı üçün elə də çətin olmadı. “Qartallar”, nəhayət, 80-ci dəqiqədə istədiyi qolu vurdu. Yenə də standart vəziyyətdən sonra “İmişli”nin qapısı önündə qarışıqlıq yarandı və Volkov cəld tərpənib hesaba tarazlıq gətirdi

Maraqlıdı ki, Sinenka bu mövsüm ilk dəfə qapısında qol gördü. Oyunun sonuna qədər qonaqların bir neçə hücum cəhdi olsa da, hesab dəyişmədi.

Gözdən qaçmadı
// İkinci hissədə soyuq və yağış o həddə çatdı ki, yan xətt hakimi Cəmil Quliyev titrəyirdi.
// Jurnalistlər üçün nəzərdə tutulmuş sektorda azarkeşlər də var idi. 36 nəfərdən yalnız 12-si jurnalist idi.
// Jorj Kaşkilya duş qəbul etdiyi üçün mətbuat konfransına gecikdi. Mətbuat katibi Leyla Behbudlu hər dəfə gecikməyin səbəbinin bu olduğunu bildirdi, Kaşkilya da təsdiqlədi.
// “CBC Sport” texniki problemlərə görə mətbuat konfransından yayın təşkil edə bilmədi.

MÜZƏFFƏR QULUZADƏ