Covanni Leoni yeni klubunda bəxtsizliklə üzləşib.

"Football-plus.az" xəbər verir ki, “Liverpul”un müdafiəçisinin dizinin xaçvari bağları qopub.

İnsayder Fabritsio Romanonun yaydığı məlumata görə, yeniyetmə futbolçu bir neçə ay yaşıl meydanlardan kənarda qalacaq. 18 yaşlı italiyalı müdafiəçi klubdakı debüt matçında - İngiltərə Liqa Kubokunun üçüncü mərhələsində “Sauthempton”a qarşı oyunda (2:1) zədələnib. 81-ci dəqiqədə onu Miloş Kerkez əvəzləyib.

Leoni “Liverpul”a yayda “Parma”dan 35 milyon avroya transfer olunub.