Xuan Laporta beynəlxalq futbol təşkilatlarını qıcıqlandıran açıqlama verib. “Barselona”nın prezidentinin fikirləri futbol aləmində mənfi qarşılanıb.

FİFA və UEFA-nın rəhbərləri ispaniyalı funksionerin son açıqlamalarına mənfi reaksiya veriblər. Bu barədə AS nəşrinin məlumatına görə, La Liqanın son çempionunun Klublararası Dünya Çempionatına dəvət edilməməsi ilə bağlı turnirin təşkilatçılarını tənqid edən Laportanın sözləri FİFA rəsmilərinin narazılığına səbəb olub. Onlar hesab edirlər ki, İspaniya klubunun rəhbəri məlum açıqlamaları ilə qurumu hədəfə alıb.

UEFA-nın rəhbərliyi isə Laportanın La Liqa oyunlarının İspaniyadan xaricdə keçirilməsi ideyasını bəyənməyib. Bundan başqa, Superliqanın yaradılması ehtimalı ilə bağlı məsələ də tərəflər arasında gərginliyi artırır.