“Dinamo” Ukrayna premyer-liqasında Vanatsız da ötüşür.

"Football-plus.az" xəbər verir ki, ən yaxşı bombardirinin İspaniyaya – “Jirona”ya gedişindən sonra kiyevlilər “Polesye”nin qapısından 4 top keçirdi. Uzun müddət kölgədə qalan oyunçular artıq ön plana çıxmağa başlayıb. Gerrero son 4 oyunda 3-cü dəfə fərqləndi, Voloşinin əla formada olması isə həm klubun, həm də yığmanın məşqçilər korpusunu sevindirir. “Dinamo” inamlı qələbə sayəsində turnir cədvəlində 1-ci pilləyə qayıtdı.

“Şaxtyor” da beynəlxalq fasiləyə qələbə ilə yollandı. Donetsklilər turun son oyununda “Aleksandriya”ya heç bir şans vermədi. “Şaxtyor”la ötən mövsümdəki lider futbolçuları itirən vitse-çempion “Aleksandriya” arasındakı səviyyə fərqi o qədər dərin idi ki, hesaba təəccüblənməyə dəyməz.

Yeri gəlmişkən, “Şaxtyor” çempionatda 500-cü ev oyununu keçirdi. Komandanın ümumi göstəriciləri belədi: 390 qələbə, 71 heç-heçə, 39 məğlubiyyət.

“Kolos” – “Episentr” oyununun taleyini Qriqoraşukun 64-cü dəqiqədə öz qapısına vurduğu qol həll etdi. Cari mövsümdə 3-cü qələbəsini qazanan “Kolos” yalnız bir oyunda xal itirib. “Krivbass” cari mövsümdə ardıcıl 3-cü qələbəsini “Obolon”la ev oyununda qazandı. Oyunun qəhrəmanı 10 dəqiqə ərzində iki qol vuran Tverdoxleb oldu. Ukrayna elitası bu mövsüm “Kudrovka”nın simasında maraqlı komanda qazanıb.

Hesabat turunda “Karpatı”nı qəbul edən debütant qələbəni 90+7-ci dəqiqədə əldən verdi. “Zarya” isə elitanın digər debütantı “Poltava”nı səfərdə darmadağın etdi. “Metallist 1925” də formal cəhətdən debütantdı. Ancaq heyətin formalaşdırılması prinsipini nəzərə alsaq, bu komandanı təcrübəsiz adlandırmaq olmaz. Heyətdə hətta Ukrayna yığmasının oyunçusu, Bakıya da gələcək Kalyujnı da var. Kalyujnı bu oyunda fərqlənməsə də xarkovlular “Rux” üzərində inamlı qələbə qazandı. Yeri gəlmişkən, Ramik Hacıyev də start heyətində yer aldı və 68 dəqiqə “Metallist 1925”ə yardım etdi. “Veres” LNZ ilə səfər oyununda həm mövsümdə ilk qollarını vurdu, həm də ilk qələbəsini qazandı.

4-cü tur
Dinamo – Polesye 4:1
Gerrero, 19. Buyalski, 32-p.; 44. Voloşin, 49 – Yosefi, 7.
Dinamo: Neşeret, Vivçarenko, Karavayev (Dubinçak, 80), Mixavko, Belovar, Voloşin, Buyalski (Pixalenok, 80), Yatsık, Mixaylenko (Brajko, 9), Kabayev (Yarmolenko, 71), Gerrero (Ponomarenko, 71).

Şaxtyor – Aleksandriya 2:0
Bondarenko, 25. Pedrinyo, 37.
Şaxtyor: Riznık, Matviyenko, Bondar, Azarov, Konoplya (Vinisius, 46), Bondarenko (Nazarina, 90+3), Oçeretko, Pedrinyo, Alison (Sukanov, 90+3), Qomes (Marlon, 87), Elias (Ferrayra, 83).

Poltava – Zarya 1:4
Bujin, 75 – Budkovski, 1. Miçin, 27. Slesar, 31. Ancuşiç, 57.

Kudrovka – Karpatı 2:2
Roqozinski, 3. Storçous, 44 – Alvares, 52. Pedroso, 90+7.

Krivbass – Obolon 2:1
Tverdoxleb, 59; 70-p. – Teslyuk, 87.

Kolos – Episentr 1:0
Qriqoraşuk, 64-öz qapısına.

Metallist 1925 – Rux 2:0
Kalitvintsev, 26. İtodo, 45.

LNZ – Veres 0:2
Boyko, 3. Ndukve, 69.

1. Dinamo 4 4 0 0 14-3 12
2. Şaxtyor 4 3 1 0 8-3 10
3. Kolos 4 3 1 0 5-2 10
4. Krivbass 4 3 0 1 8-5 9
5. Kudrovka 4 2 1 1 9-6 7
6. Zarya 4 2 1 1 8-5 7
7. Metallist 1925 4 2 1 1 6-3 7
8. Obolon 4 2 1 1 4-3 7
9. LNZ 4 2 1 1 3-2 7
10. Karpatı 4 0 3 1 6-8 3
11. Veres 4 1 0 3 2-4 3
12. Polesye 4 1 0 3 3-7 3
13. Poltava 4 1 0 3 4-9 3
14. Rux 4 1 0 3 4-10 3
15. Episentr 4 0 0 4 1-7 0
16. Aleksandriya 4 0 0 4 2-10 0

Bombardirlər: Storçous (Kudrovka), Buyalski (Dinamo), Budkovski (Zarya) – 3.

Növbəti turun oyunları sentyabrın 12-14-ü aralığında keçiriləcək: Aleksandriya – LNZ, Veres – Kudrovka, Rux – Episentr, Obolon – Dinamo, Metallist 1925 – Şaxtyor, Krivbass – Polesye, Zarya – Kolos, Karpatı – Poltava.