Karvan-Yevlax - Qarabağ (Ağdam) 0:2 (0:1)
1. Kamran İbrahimov - 5,5
4. Olavale Doyeni - 5,5
32. Elvin Yunuszadə (k) - 4,0
3. Said İranxan - 5.5
37. Mois Nqvisani - 5,0
6. Vadim Abdullayev - 5,5
77. Əli Abdullayev - 5,5
42. İbrahim Qədirzadə - 5,5
(10. Samuel Durrant, 63) - 5,0
8. Peter Kinqs - 6,0
(12. Vitor Roşa, 77) - qiymətsiz
19. Tompson Qavi - 5,5
14. Uğur Cahangirov - 5,5
(11. Kayl Spens, 84) - qiymətsiz
Ehtiyat oyunçular
25. Əmrah Bulud
15. Rəhman Şabanov
33. Eltun Turabov
18. Süleyman Əhmədov
13. Vüsal Məsimov
22. Qabil Əlizadə
2. Şakil Sno
21. İmani Barker
Baş məşqçi: Azər Həşimov
Komansanın ən yaxşısı: Peter Kinqs

1. Şahruddin Məhəmmədəliyev - 6,0
30. Abbas Hüseynov - 5,5
(17. Kamilo Duran, 59) - 6,0
3. Sami Mmae - 6,0
55. Bədavi Hüseynov - 5,5
18. Dani Bolt - 6,0
6. Kris Kuaku - 5,5
(35. Pedro Bikalyo, 89) - qiymətsiz
32. Hikmət Cəbrayılzadə - 5,5
(20. Kadi Borges, 59) - 6,5
27. Toral Bayramov - 5,5
11. Emmanuel Addai - 7,5
21. Aleksey Kaşuk - 6,0
22. Musa Qurbanlı - 6,0
(90. Nəriman Axundzadə, 89) - qiymətsiz
Ehtiyat oyunçular
99. Mateuş Koxalski
97. Fabian Buntiç
13. Bəhlul Mustafazadə
44. Elvin Cəfərquliyev
10. Abdulla Zubir
8. Marko Yankoviç
2. Mateus Silva
Baş məşqçi: Qurban Qurbanov
Komandanın ən yaxşısı: Emmanuel Addai

Qollar: E.Yunuszadə, 11-öz qapısına (0:1). E.Addai, 72 (0:2, K.Borges).
Hakimlər: RƏVAN HƏMZƏZADƏ (Şəki), Cəmil Quliyev, Gülnurə Əkbərzadə, Kamran Əliyev (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Teymur Teymurov (Bakı).
Hakim-inspektor: Şahin Cəfərov (Bakı).
AFFA nümayəndəsi: Bəhram Qurbanov (Bakı).
31 avqust. Şamaxı. Şəhər stadionu. 800 tamaşaçı (2200 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 5,5.

Nə qədər qəribə olsa da, oyundan əvvəl “Qarabağ” turnir cədvəlində yanlız “Kəpəz”dən irəlidə idi. “Karvan-Yevlax” isə ilk iki oyundan sonra dörd xal toplamışdı.

Məğlubiyyətin nə olduğunu bilməyən yevlaxlılar bu oyuna da yaxşı hazırlaşmışdı. Oyunda ilk təhlükəli vəziyyət start fitindən cəmi 4 dəqiqə sonra yarandı. Addainin qapı qarşısına ötürməsindən sonra Kaşuk iki futbolçunu keçdi, amma zərbəsini Kamran dəf etdi. Qayıdan topu Toral qapıya yönəltsə də, Əli boş qapıdan çıxardı. 11-ci dəqiqədə Addai yenə cinahla irəlilədi və yenə qapı qarşısına təhlükəli ötürmə verdi. Bu dəfə təcrübəli Elvin topu çıxarmaq istəyərkən səhvə yol verdi və hesab açıldı. 23-cü dəqiqədə Kinqs gözəl hərəkətlə illərin təcrübəsi Bədavini geridə qoyaraq, qapı qarşısına ötürmə verdi, amma Uğur topu qapıdan keçirə bilmədi. 7 dəqiqə sonra nominal meydan sahibləri növbəti dəfə təhlükə yaratdı. Vadimin akrobatik tullanışla zərbəsindən sonra top dirəyə dəydi. Hissənin davamı qonaqların dominantlığı şəraitində davam etdi. Hansısa təhlükə də yaranmadı.

2-ci hissədə isə ilk təhlükəli vəziyyəti yevlaxlılar yaratdı. 52-ci dəqiqədə Nqvisani uzaqdan qapını yoxladı, Şahruddin yerində idi. 60-cı dəqiqədən sonra Qurbanov əsas oyunçularından bəzilərini, həmçinin yeni transfer Duranı meydana buraxdı. 70-ci dəqiqədə Kadinin qapı qarşısına ötürməsini tamamlayan Addai fərqi artırdı. “Karvan-Yevlax” bu mövsüm çempionatda ilk dəfə uduzdu, “Qarabağ” isə ilk qələbəsini qazandı.

Gözdən qaçmadı
* Bədavi və Musa qadın hakimlə görüşmədi.
* Medina ilə şəkil çəkdirə bilməyən azyaşlı “Qarabağ” azarkeşi ağladı.
* Oyundan sonra “İmarət Tayfa” futbolçuları çağırıb birlikdə bəstə oxudu.

MÜZƏFFƏR QULUZADƏ