“Ferentsvaroş” 30 il əvvəl Çempionlar Liqasının qrup mərhələsinə (indiki əsas mərhələ - red.) vəsiqə qazandı və bunu bacaran ilk Macarıstan klubu oldu. Kollektiv məhz bu məqamdan motivasiya ala bilər. Hər halda, Robbi Kinin komandası mərhələdə adlaya bilmək üçün gözlənilməz həmlələr etməlidi. Hədəfə daha yaxın olan “Qarabağ”dı. Ancaq ümidlər hələ tükənməyib. “Yaşıl qartallar” mübarizə aparmaqdan çəkinməməlidi. O başqa məsələ ki, Azərbaycan komandası evdə daha güclü və daha rahat çıxış edəcək. Buna rəğmən, “Ferenstvaroş” birinci hissədə qollar vurmalıdı. Xüsusilə ilk dəqiqələrdə vurulacaq qol rəqibin planlarını alt-üst edə bilər. Belədə hadisələrin axarı fərqli məcrada cərəyan edəcək. Bununla belə, “Qarabağ”ın cinah oyunçularına mane olmaq çox çətindi. Kin taktikasını işə salmalı, indiyə qədər öyrəndiyi bütün bilikləri ortaya qoymalıdı. Çox böyük risklər alınmalıdı. Hücumlar sürətli və intensiv olmalıdı. Komanda daha cəsur çıxış etməlidi. Onsuz da Barnabaş Varqa formadadı və özünü çox yaxşı hiss edir. Forvard özünü rəqibin cərimə meydançasına çatdırsa, mütləq qollar vuracaq. O, çox cəsarətlidi. Rəqibdən çəkinmir və ancaq qol vurmaq haqda fikirləşir”.

“Ferentsvaroş”un fürsətləri boşa vermək şansı, demək olar ki, yoxdu. “Yaşıl qartallar” Bakıda 8-10 təhlükəli vəziyyət əldə edəcəyini düşünməməlidi. Maksimum 3-4 şans ələ düşəcək ki, bunun azı ikisi qolla tamamlanmalıdı. “Qarabağ” “Ferentsvaroş”un önünə titrəyən ayaqlarla çıxmayacaq. Çünki söhbət həm də milyonlarla avro gəlirdən gedir. Çempionlar Liqasının əsas mərhələsinə vəsiqə qazanan komanda bu turnirdə mübarizəni dayandırandan 4-5 qat çox pul qazanacaq”.