“Hesab edirəm ki, bu səviyyədə oynayan komandalar öz oyun üslubundan dönmürlər. Üslubun içində xırda detallar var ki, o detallara bir az çəki-düzən vermək lazım gəlir. Düşünürəm ki, “Qarabağ” da belə klublardandı. Səfərdə oynamasına baxmayaraq, yenə də dominant oynamaq məcburiyyətindədi. Topa sahib olmaq, ona nəzarət etmək lazımdı. Yalnız belədə oyunun axarına nəzarət etmək mümkündü. Rəqibin də bəzi üstün tərəfləri var. Mənə elə gəlir ki, bugünkü oyunda da, Bakıdakı oyunda da biz topa daha çox nəzarət etməliyik. Amma istər-istəməz rəqibin əks-hücumlarında diqqətli olmalıyıq. Ordan yaxşı nəticə ilə qayıda bilərik. Düşünürəm ki, səfərdə qol vuracağıq. Çünki “Qarabağ”ın belə potensiyalı var. Sadəcə, FCSB bizim üçün yaxşı nümunədi. Çünki FCSB aşağı-yuxarı “Qarabağ” səviyyəsində olan komandadı. Rumıniya klubu göstərdi ki, cüzi konsentrasiya pozğunluğu, yaxud bir az boşluq verirsənsə, rəqib səni dərhal cəzalandıra bilər. İki oyunun ikisində də dominantlıq edən FCSB-yə rəqib 3 qol vurmağı bacardı. Bu, “Qarabağ” üçün nümunədi. “Qarabağ”ı ayıltdı ki, belə oyunlarda boşluq vermək olmaz. İşin bir qədər təhlükəli tərəfi “Qarabağ”ın hələ optimal formadan uzaq olması, bəzi oyunçuların hələ uyğunlaşma dönəmi yaşamasıdı. Belə məqamlar yunumuza təsir edə bilər. Amma ümumilikdə düşünürəm ki, ordan yaxşı nəticə ilə qayıda biləcəyik. Yaxşı nəticə ilə qayıdacağımız halda Bakıda işimiz çox asan olacaq”.