“Ölkə kubokunu qazanan “Sabah”da əhval-ruhiyyə yaxşıdı, yeni baş məşqçinin gəlişi isə komanda üçün əlavə motivasiyadı. Amma oyun baxımdan hansı səviyyədə olduğunu demək çətin məsələdi. Baş məşqçi yeni gəlib, hazırlıq dönəmindən yeni çıxıblar. Dambrauskasın oyun fəlsəfini komandaya tam aşılaması çətin məsələdi. Mümkünsüzdü. Amma “Sabah” “Selye”ni keçmək iqtidarındadı. Baxmayaraq ki, rəqib adlı-sanlı deyil, ötən il uğurlu olub. Bəli, rəqibdən gedənlər çoxdu. Aparıcı futbbolçunun gedişi komandaya mənfi təsir göstərir. Əvəzində yeni futbolçuların uyğunlaşması vaxt alır. Amma “Sabah”da da gedənlər və gələnlər var. O baxımdan vəziyyət aşağı-yuxarı eynidi. Bu amillər hansısa komandanın zəifləməsinə, yaxud gücləndiyinə əsas vermir. Azarkeş amili də “Sabah”a təsir edəcək. Uzun müddətli futbol yoxdu, bu da həm futbol ictimaiyyəti, həm də azarkeşlər üçün maraqlı məqamlardan olacaq. “Selye”nin çempionatda “Olimpiya”dan 13 xal geri qalması və “Kayrat”ı məğlub edə bilməməsi nəyəsə əsas vermir. Çempionlar Liqasının öz səviyyəsi var, Avropa Liqasınən öz səviyyəsi var, Konfrans Liqasının da öz səviyyəsi. “Olimpiya”nın qalib gələ bilməməsi “Selye”nin zəif rəqib olması anlamına gəlmir”.