İtaliya Futbol Federasiyası “Breşia”nın peşəkar statusunu ləğv edib və komandanı ölkənin peşəkar liqalarından kənarlaşdırıb.

Qurumun mətbuat xidmətinin məlumatına görə, klub bu qərarla növbəti mövsümdə İtaliyanın C seriyasında belə iştirak etməyəcək. Əsası 1911-ci ildə qoyulan “Breşia” son mövsümün sonunda B seriyasını tərk etmişdi. Komandanın oyunçularına və heyət üzvlərinə maaş ödənilmədiyi, ümumi borcun isə 3 milyon avro olduğu bildirilir.

Klubun sahibi Massimo Çellino azarkeşlərlə yaşadığı münaqişələrdən sonra bu məbləği ödəməkdən imtina edib.

Qeyd edək ki, vaxtilə bu klubun formasını Andrea Pirlo, Roberto Bacco, Xosep Qvardiola və Mario Balotelli kimi ulduz futbolçular geyib.