“Liverpul” Florian Virtsin transferini bitirdi - bu keçid premyer-liqanın tarixinə düşdü
“Liverpul” İngiltərə premyer-liqasının tarixində ən baha transferi gerçəkləşdirdi – Florian Virts bu komandanın oyunçusu kimi ictimaiyyətə təqdim olundu. Son çempion ciddi xərcə düşdü, ancaq Arne Slot alman yarımmüdafiəçiyə çox inanır.
"Football-plus.az" xəbər verir ki, Almaniya yığmasının ulduzu “qırmızılar”la 2030-cu ilə qədər müqavilə imzalayıb. “The Athletic” yazır:
“Virtsin həftəlik maaşı 230 min avrodu. Bu, Vircil van Diyk və Məhəmməd Salahdan sonra 3-cü ən yüksək maaşdı. Bonusları da nəzərə alsaq, həftəlik maaş 285 minə çata bilər”.
“Transfermarkt”a inansaq, mersisaydlılar “Bayer-04”ə 22 yaşlı futbolçuya görə 125 milyon avro ödəyib. Beləcə Florian premyer-liqanın tarixinə ən baha transfer kimi düşdü. O, 2022/23 mövsümündə “Benfika”dan “Çelsi”yə 121 milyona keçən Entso Fernandesi arxada qoydu.
Alman yarımmüdafiəçiyə “Liverpul”la yanaşı, “Mançester Siti” və “Bavariya” da iddia edirdi. Əlbəttə, “Bayer-04” də liderini saxlamağı arzulayırdı, ancaq Xabi Alonsonun “Real”a gedişindən sonra pul qazanmağın və yeni komanda qurmağın vacibliyi aydın oldu.
Keçid rəsmiləşəndən sonra Virts “Liverpul”un mətbuat xidmətinə açıqlama verib:
“Xoşbəxt və qürurluyam. Nəhayət, transfer bitdi, bunu çox gözlədim. Artıq hər şey arxadadı. Məni burda gözləyən yeni çağırışa görə həyəcanlanıram. Bu vacib məqamdı: bundesliqanı tərk edib premyer-liqaya gəlməklə tam yeni variantı sınamaq istədim. Daha da yaxşı oynayacıma ümid edirəm”.
“Bayer-04” sabiq futbolçusu ilə çox isti şəkildə vidalaşıb:
“Bəzi vidalaşmalar zamanı lazımi sözlər tapmaq çox çətindi. “Bayer-04” deyir: “Sağ ol, Flo”. Qara-qırmızı rənglərdə keçən 5,5 ilə, qeyri-adi səyahətə görə. Florian Virts “Liverpul”a keçir, ancaq o, həmişə “Bayer-04” ailəsinin bir hissəsi olacaq. Bu, Florian Futbol Allahı Virtsə vida məktubudu”.
Xatırladaq ki, 22 yaşlı xavbek leverkuzenlilərin heyətində keçirdiyi 197 oyunda 57 qol vurub və 65 məhsuldar ötürmə verib.
Florian açıq ara fərqlə “Liverpul” tarixinin ən baha transferidi: əvvəlki rekord vaxtilə 85 milyon müqabilində “Enfild”ə köçən Darvin Nunyesə məxsus idi.
Virts indiki Almaniya yığmasının əsas istedadıdı, öz nəslinin ən parlaq nümayəndələrindən biridi. O, parlaq driblinq bacarığına malikdi: cüssəsindən əla yararlanır, təkbaşına təhlükəli vəziyyətlər yarada bilir. “Liverpul”un rəqibləri əsasən aşağı blokla müdafiə olunur, Flo isə belədə Slotun komandasına müdafiə xəttini yarmaqda asanlıqla yardım edəcək.
“Bayer-04”ün sabiq baş məşqçisi Xabi Alonso Virtsi Lionel Messi ilə müqayisə edirdi:
“Yaxşı oyunçular və meydanda yaxşı görünən futbolçular var. Sonuncular gözəl, ancaq mütləq lazım olmayan effektiv işlər görür. Messi niyə bu dərəcədə yaxşıdı? Ona görə ki, necə və nə vaxt sadə ötürmə verməli olduğunu bilir.
Messi deyir ki, yaxşı mövqedəsənsə, buyur, bu da top. Florian da buna qadirdi. Buna görə yaxşıdı”.
Messi deyir ki, yaxşı mövqedəsənsə, buyur, bu da top. Florian da buna qadirdi. Buna görə yaxşıdı”.
Əlbəttə, istənilən futbolçu kimi Florianın da çatışmazlıqları var. O, bəzən qərar verməkdə ləngiyir: xüsusən də əks-hücumlar zamanı bu çatışmazlıq gözə dəyir. Bəzən qeyri-adi gediş tapmağa çalışarkən yersiz top itkisi ilə yadda qalır. Ancaq Slotun əlinin altında bütün bu çatışmazlıqlar üzərində işləmək mümkündü.
Niderlandlı mütəxəssis son mövsümdə top səviyyəli məşqçi olduğunu sübut etdi. Özü də təkcə istedadları inkişaf etdirməklə yox, həm də Van Diyk ilə Salaha “ikinci gəncliyini yaşamağa” kömək etməklə.
Digər xəbərlər
