“Düzdü, iclasdakı qərarlar açıqlanana qədər bundan xəbərim yox idi. Ancaq sürpriz olmadı. Avropa çempionatında qeydə alınan nəticələrdən sonra bunun baş verəcəyini proqnozlaşdırırdım. İş ondadı ki, mənlə hansısa görüş olmadı, hesabat tələb edilmədi. Bilirəm ki, millidə potensialı olan futzalçılar var. Sadəcə, zaman lazımdı. Yeni qurulan heyətlə beynəlxalq turnirdə ciddi uğur qazanmaq çətin məsələdi. Həmin nəticələr gözlənilən idi. Heyətdə gənclərin sayı çoxdu. Klublarında ehtiyat oyunçular skamyasında əyləşirlər. Şans qazanmırlar. Təcrübələri yoxdu. Onları meydana çıxarmaq, özünəinam qazanmaları üçün yardımçı olmaq vacibdi. Çempionatda cəmi 15-18 yerli oyunçu var. Əlbəttə, belə vəziyyət milli komandaya təsirsiz ötüşmür.Ümid edirəm ki, Yevgeni Kukseviç yığmanı inkişaf etdirə biləcək. Özüm isə Bakıdayam. Elə həmin millinin xeyli futzalçısıyla birlikdə Xorvatiyada keçiriləcək Avropa çempionatına hazırlaşırıq. 6 gündü məşq edirik. İyulun 16-sı yola düşəcəyik. Yarış 17-18-də baş tutacaq. Hələ hansısa klubdan təklif almamışam”.