“Qaradağ Lökbatan” və “Ağdaş” yaşayacaqmı?
Bütün liqalarda 2024/25 mövsümünə yekun vuruldu.
1-ci liqada sonuncu yer “Qaradağ Lökbatan”ın oldu. Mövsüm ərzində zəif nəticələrlə yadda qalan komanda cəmi 23 xal toplamaqla turnir cədvəlinin ən aşağı pilləsində qərarlaşdı. “Qaradağ Lökbatan” növbəti mövsüm aşağı dəstədə mübarizə aparmalıdı. 2-c liqada isə “Ağdaş”ın vəziyyəti narahatlıq doğurur. Mövsümü 20 xalla 12-ci pillədə başa vuran klub yerini qorusa da, sponsorsuzluq üzündən ciddi çətinliklərlə üzləşib. “Ağdaş”ın vəziyyəti xüsusən də klub prezidenti Rəhman Əliyev ötən ilin iyulunda faciəvi şəkildə həlak olandan sonra daha da pisləşib.
Bəs bu klubların taleyi necə olacaq, yaşayacaqlarmı?
Amit Quluzadə (“Qaradağ Lökbatan”ın baş məşqçisi):
“Necə olacağını bilmirəm. Gözləyirik, görək nə olacaq.”
Ruslan Hüseynov (“Ağdaş”ın baş məşqçisi):
“İnşallah, Allah kömək edər və klub yaşayar”.
ƏSƏD SEYİDOV
Digər xəbərlər
