Mayın 19-da keçiriləcək oyunda “Neftçi 2000-lər” və “Premyer-liqa məşqçiləri” qarşılaşacaq. “Premyer-liqa məşqçiləri” komandasında oynayacaq Yunis Hüseynovun “Football-plus.az”a açıqlaması:
“Belə turnirlərin, yoldaşlıq görüşlərinin keçirilməsi çox yaxşı haldı. Veteranlar oynayacaq. Hər yerdə “Neftçi”nin veteranı kimi oynamışam, amma bu dəfə “Premyer-liqa məşqçiləri”nin heyətində “Neftçi”yə qarşı oynayacam. Dünya çempionatından əvvəl belə oyunun keçirilməsi, məncə, çox maraq doğuracaq. Azarkeşlərdə də yaxşı təəssürat yaradacaq. Özümüz də oyunu maraqla gözləyirik. Hər kəsi bu oyunda gözləyirəm. Hər kəs veteran futbolçuların nəyə qadir olduğunu gəlib görə bilər. Bütün veteranlar texnikalı, sürətli, futbol savadı olan futbolçulardı”.
MÜZƏFFƏR QULUZADƏ
