“Az da olsa, şansımız var” - Bahadur Həziyev
1-ci liqanın 25-ci turunda cari mövsümdə 13-cü məğlubiyyətini MOİK-dən alan “Qaradağ Lökbatan” 22 xalla sonuncu pillədə qərarlaşıb.
Komandada ab-havanın necə olduğunu öyrənmək üçün paytaxt təmsilçisinin liderlərindən Bahadur Həziyevlə əlaqə saxladıq:
“1-ci liqada ilk dəfə belə halla üz-üzə gəlirəm. Sözsüz, ab-hava mənfiyə doğru gedir. 2-ci liqaya düşmək ehtimalı ən çox bizdə görünür. Amma iki oyunumuz var. Çətin oyunlar olsa da, təslim ola bilmərik. Toparlanmaq çətin olsa da, buna məcburuq. Futboldu, hər şey ola bilər. Az da olsa, şansımız var. Hamımız birgə çalışıb bu qara zolaqdan çıxmağa çalışacağıq”.
MÜZƏFFƏR QULUZADƏ
