“Bizim də premyer-liqaya yollanmaq şansımız var” - MOİK niyə 0:4 uduzdu?
MOİK 1-ci liqanın 15-ci turunda evdə “Qəbələ” önündə darmadağın oldu (0:4).
"Football-plus.az" xəbər verir ki, Qəzənfər Abbasovun rəhbərlik etdiyi komanda mövsümün 2-ci yarısında keçirdiyi 4 oyunun 2-də qələbə qazanıb, 2-də uduzub. MOİK hazırda 20 xalla turnir cədvəlinin 5-ci pilləsində qərarlaşıb.
Darmadağının səbəbini öyrənmək, komandasının hələ də elitaya iddiasını davam etdirib-etdirmədiyini dəqiqləşdirmək üçün MOİK-in baş məşqçisi Qəzənfər Abbasov ilə danışdıq:
“Meydanda başa-baş mübarizə getdi. Hər iki komanda qarşılıqlı hücumlar edirdi. “Qəbələ”nin futbolçuları fərdi keyfiyyətlərindən yaxşı istifadə edərək qolları vurmağı bacardılar. Bilindiyi kimi, premyer-liqaya üç komanda çıxacaq. Qarşıda bizi 12 oyun gözləyir. İlk “3-lük”də qərarlaşan komandalarla xal fərqimiz azdı. Bizim də premyer-liqaya yollanmaq şansımız var”.
ƏSƏD SEYİDOV
Digər xəbərlər
