Neftçi (Bakı) – Kəpəz (Gəncə) 2:2 (1:0)
93. Rza Cəfərov (k) – 5,5
10. Filip Ozobiç – 5,5
3. Höccət Haqverdi – 4,5
19. Azər Salahlı – 5,0
4. Elvin Camalov - 4,5
91. Ağadadaş Salyanski – 5,5
99. Ervin Koffi – 5,0
(47. Murad Məmmədov, 66) – 5,0
44. Yuri Matias – 5,0
(14. Edvin Kuç, 66) – 5,0
9. Bassala Sambu – 6,0
88. Andrey Ştoqrin – 5,0
(17. Rəhman Hacıyev, 86) – qiymətsiz
11. Aleks Fernandes – 6,5
(8. Emin Mahmudov, 72) – 6,0
Ehtiyat oyunçular
1. Emil Balayev
30. Rustam Samiqullin
7. Azər Əliyev
90. Ramil Şeydayev
78. Elcan Əbilov
22. Dembo Darbo
77. Yeqor Boqomolski
Baş məşqçi: Samir Abasov
Komandanın ən yaxşısı: Aleks Fernandes

1. Rojerio Santos – 6,0
2. İlkin Qırtımov – 4,5
7. Ehtiram Şahverdiyev – 6,0
12. Turan Manafov – 5,0
(17. Ümid Səmədov, 46) – 5,5
19. Sadiq Şəfiyev – 4,5
(9. Luis Paçu, 46) – 6,5
26. Valdemar Almeyda – 5,5
78. Yeqor Xvalko (k) – 5,5
11. Trent Buhagiar – 5,0
(21. Camal Cəfərov, 46) – 6,0
3. Mahamadu Ba – 5,5
10. Karim Lkoça – 5,5
88. Şervoni Mabatşoyev – 5,0
(28. Rati Ardazişvili, 46) – 5,5
Ehtiyat oyunçular
22. Məmməd Hüseynov
18. Elgün Bayramov
99. Əli Səmədov
70. Nicat Süleymanov
5. Rauf Hüseynli
6. Nemət Musayev
Baş məşqçi: Azər Bağırov
Komandanın ən yaxşısı: Camal Cəfərov

Qollar: A.Fernandes, 24 (1:0, B.Sambu). L.Paçu, 50 (1:1, E.Şahverdiyev). C.Cəfərov, 63 (1:2). E.Mahmudov, 90+3-p. (2:2).
Vərəqələr: E.Camalov, 36 (qeyri-idman hərəkəti). L.Paçu, 89 (hakimin qərarına etiraz) – sarı. E.Camalov, 70 (ciddi qayda pozuntusu) – qırmızı (ikinci sarı).
Hakimlər: RAUF CABBAROV, Rahil Ramazanov, Tərlan Talıbzadə, Elvin Bayramov (hamısı Bakı).
VAR hakimi: Tural Qurbanov (Bakı).
VAR hakiminin köməkçisi: Asiman Əzizli (Bakı).
Hakim-inspektor: Babək Quliyev (Bakı).
AFFA nümayəndəsi: Eldəniz Musayev (Bakı).
4 may. Bakı. “Neftçi Arena”. 850 tamaşaçı (11000 yerlik).
Birinci hissəyə 2, ikinci hissəyə 3 dəqiqə əlavə olunub.
Oyunun qiyməti: 6,0.

Bəli, “Neftçi” ardıcıl ikinci mövsümü avrokuboklara yollanmaq baxımından boşa verdi. Lakin bu dəfə vəziyyət daha pisdi. Çünki uğursuzluq təkcə ilk “4-lük”dən kənarda qalmaqda və ya ölkə kubokunda mübarizəni dayandırmaqda gizlənmir. Ötən “futbol ili”ni 56 xalla 5-ci pillədə başa vuran “ağ-qaralar” indi 6-cı sıradadı. Bu azmış kimi, komanda cəmi 37 xal toplayıb. Deməli, azarkeşlərin bakılılardan “Kəpəz”lə matçda qələbə tələb etməsi üçün yetərincə ciddi əsasları var idi. Heç olmasa, turnir cədvəlində bir pillə irəlilə!

Həqiqətən “Neftçi” mövsümü 6-cı sırada bitirmək ehtimalıyla barışıbmı? Düzü, komandanın 1-ci hissədə sərgilədiyi oyun bu sualı müsbət cavablamağa icazə vermir. İş ondadı ki, futbol 90 dəqiqəni əhatə edən idman növüdü və hər saniyənin öz hökmü var. “Neftçi”nin son anda məğlubiyyətdən xilas olması da bunu sübut edir. Belədə “Kəpəz”in premyer-liqadakı yerini təmin etməsi də sonraya qaldı. Halbuki “sarı-göylər” özünü qətiyyən autsayder kimi aparmadı və futbolsevərlərə əsl derbi ab-havası yaşatdı.

Yenə də vurğuladığımız kimi, “ağ-qaralar” ilk hissədə daha fəal çıxış etdi. Hətta meydan sahibləri 3-cü dəqiqədə hesabı aça bilərdi. Ancaq Santos Ağadadaşın Ehtiram və Almeydanı aldatdıqdan sonra endirdiyi zərbəni ustalıqla dəf etdi. Bir qədər sonra Sambu uğursuz cəhdlə yadda qaldı – ingiltərəli Xvalkonu keçib topa həlledici toxunuşu reallaşdırmağa müvəffəq olsa da, qeyri-dəqiq oynadı.

Növbəti hücumu da “Neftçi”nin ifasında izlədik. Dəqiq desək, 24-cü dəqiqədə Sambuyla “divar paslaşması” edən Fernandes topu tora qovuşdurdu. “Ağ-qaralar” fərqi artırmaq üçün ilk yaxşı imkanı 38-ci dəqiqədə qazandı. Ozobiçin küncdən cərimə meydançasına göndərdiyi “kürə”ni qapıdan keçirmək lazım idi ki, Höccətin başla zərbəsi dəqiq olmadı. Bir qədər sonra Ozobiç fürsəti boşa verənlər sırasına qoşuldu. Təcrübəli futbolçunun tora qovuşdurmaq istədiyi top tirin üstündən keçdi. 44-cü dəqiqədə ələ düşən imkanı isə Sambu qeyri-dəqiqlik üzündən qaçırdı. Halbuki Mabatşoyevin səhvi üzündən “kürə”ni qazanan Koffi ideal ötürmə vermişdi. İngiltərəlinin 45+3-cü dəqiqədə fərqlənmək istəyinə gəlincə, burda Santos komandasını qoldan xialas etdi.

İndi oyunun taleyi həm də Azər Bağırovdan asılı idi ki, mütəxəssis meydana 4 hücumameyilli futbolçu çıxarmaqla hadisələrin axarını dəyişdi. İşə təzyiqi artırmaqla başlayan gəncəlilər 47-ci dəqiqədə hesabı bərabərləşdirə bilərdi. Təbii ki, Ağadadaş Xvalkonun boş qapıya göndərdiyi topu başla uzaqlaşdırmasaydı. Hər halda, “sarı-göylər” çox keçmədən istəyinə çatdı. Daha doğrusu, 50-ci dəqiqədə Ehtiram cərimə meydançasına daxil olan Ştoqrini nəniki dayandırdı, hətta öndə fürsət gözləyən Paçunu da gördü. Topu qəbul edər-etməz sürətlə irəli şığıyan braziliyalı Höccət, Matias və Rza maneəsini aşmaqla “çərçivə”ni dəqiq nişan aldı. “Kəpəz”in növbəti qolu da özünü çox gözlətmədi. 60-cı dəqiqədə Camal baxımlı reydini qolla tamamladı. Düzü, Rza onun ilk zərbəsini dəf etdi, lakin meydanda qalan top yenidən Camalın önünə düşdüyündən ikinci cəhddə hazırlıqsız yaxalandı.

Bundan sonra “Neftçi” azlıqda qaldı. Ona görə ki, daha əvvəl “sarı” görən Elvin 70-ci dəqiqədə Ehtiramı kobud müdaxiləylə dayandırdığına görə meydandan qovuldu. İndi “Kəpəz”in daha bir qol vurması üçün mübit şərait var idi. Lakin Rati qeyri-dəqiqlik üzündən ardıcıl iki fürsəti boşa verdisə, Karimin fərqlənməsinə tir mane oldu. Matçın yekun nəticəsini isə Emin müəyyənləşdirdi. O, 90+3-cü dəqiqədə İlkinin rərimə meydançası daxilində topa əllə toxunması səbəbindən təyin edilən penaltini dəqiq yerinə yetirdi və komandasını məğlubiyyətdən qurtardı.

Gözdən qaçmadı
// Tribunalarda az sayda “Neftçi” və “Kəpəz” azarkeşləri var idi. Düzü, matçın “ağ-qaralar” üçün ev ya səfər olduğunu demək mümkün deyildi. “Neftçi” tərəfdarlarını elə küsdürüb ki…

KƏNAN BAHADIR