“Matçı tərəfdaş şirkət təşkil edir. Oyunun Azərbaycanda yayınlanması və azərbaycanlı futbolsevərlərin stadionda olması yönündə işlərin görülməsi üçün bizdən yardım istədilər. Hazırda öhdəmizə düşən işləri görürük. İndiyə qədər azarkeşlərdən xeyli müraciət almışıq. Matçın yayınıyla bağlı isə “CBC Sport”la razılığa gəldik. Azərbaycanlı jurnalistlərin matçı yerindən işıqlandırmasına şərait yaratmağa da hazırıq. Bununla belə, “CBC Sport” üçün xüsusi icazələr olacaq. Onlara ulduzlara yaxınlaşmaq, müsahibələr almaq imkanı veriləcək. Ümumiyyətlə, matç kommersiya xarakterlidi və ölkəmizdə yayınlanması, azarkeşlərin stadiona aparılması kimi hallar futbolun kütləviləşdirilməsinə xidmət edir. Azərbaycanda xeyli futbolsevər var. Buna əminik. Qarşıdakı müddətdə belə maraqlı oyunların ölkəmizdə də keçirilməsinə nail olmaq istəyirik. İş ondadı ki, belə matçlarda həm də futbol federasiyaları maraqlı olmalıdı. Məsələn, Gürcüstan Futbol Federasiyası bu görüşlə yaxından maraqlanır və yardımını əsirgəmir. Təəssüf ki, ölkəmizdə belə deyil. Bu oyunun təşkili üçün çox ciddi maliyyə dəstəyinə ehtiyac var ki, bir şirkətin bu işin öhdəsindən gəlməsi çətin məsələdi. Meydana çıxacaq futbolçulara gəlincə, heyətlərə həftəsonu aydınlıq gələcək”.