PSJ “böyük beşlik” liqalarında bu mövsüm çempionatda məğlubiyyət üzü görməyən yeganə komanda idi. Amma 31-ci turda parislilərin seriyasına son qoyuldu. Evdə “Nitsa” önündəki məğlubiyyət “Arsenal”la oyun ərəfəsində paytaxt klubunun düşərgəsində əhval-ruhiyyəni bir qədər korladı. Düzdü, ən yaxın izləyici 20 xal geridə olanda motivasiya mənbəyi tapmaq da çətindi. Həmin ən yaxın izləyici isə “Marsel”di. Cənublular Quirinin het-triki sayəsində evdə “Brest”i darmadağın etdi.

“Havr”ın qonağı olan “Monako” evə 1 xalla qayıtdı. “Knyazlar”ın bərabərlik qolunun müəllifi Biret 2025-ci ildə Liqa 1-də 13 dəfə fərqlənib. İlin əvvəlindən bəri heç bir başqa oyunçu “böyük beşlik” ölkələrində 13-dən artıq qol vurmayıb (Dembelenin də bu qədər qolu var).
Səfərdə “Anje” ilə qarşılaşan “Lill” “Monako”nun büdrəməsindən dərhal yararlandı. İlk yarı qonaqların böyük ərazi üstünlüyü şəraitində keçdi. Bunun məntiqi nəticəsi kimi hissənin sonunda hesab açıldı. 2-ci hissə başlayan kimi Haraldsson “şimallı itlər”in üstünlüyünü artırdı. “Lill” 67-ci dəqiqədə azlıqda qalsa da, qələbə hesabını qoruya bildi və 3-cü pilləyə yüksəldi.

Turun qalan oyunlarına gəlincə, “Lion” “Renn”i, “Oser” “Lans”ı darmadağın etdi, “Strasbur” “Sent-Etyen”dən üstün oldu, “Nant” – “Tuluza”, “Monpelye” – “Reyms” oyunlarında hesab açılmadı. “Monpelye” elitada qalmaq baxımından nəzəri şansını da itirdi. Bu komandanın 2009/10 mövsümündən bəri elitada fasiləsiz oynadığını da vurğulayaq.

31-ci tur
PSJ – Nitsa 1:3
Ruis, 41 – Sanson, 34; 46. Ndaişimay, 70. (42000)
PSJ: Donnarumma, Hakimi, Markinyos (Beraldo, 69), Paço, Mendeş, Vitinya, Neveş (Zair-Emeri, 59), Ruis (Mayulu, 78), Due (Barkola, 59), Dembele (Ramuş, 68), Kvaratsxeliya.

Marsel – Brest 4:1
Quiri, 8; 45; 63. Qrinvud, 37 – Sima, 25. (62130)
Marsel: Rulyi, Murilyo, Balerdi (Merlen, 77), Kondoqbia, Enrike, Heybyerq, Ronjye (Bennaser, 67), U.Qarsiya (Kornelius, 77), Qrinvud (Arit, 84), Rabyo, Quiri (Rou, 67).

Havr – Monako 1:1
Hassan, 22 – Biret, 61. (21340)
Monako: Kön, Vanderson (Teze, 81), Sinqo, Kerer, Enrike (Dyatta, 81), Zakariya, Kamara (Əl-Musrati, 46), Akliuş, Embolo (Baloqan, 86), Ben-Seqir (Minamino, 46), Biret.

Anje – Lill 0:2
Aleksandro, 45+1. Haraldsson, 50. (12782)

Lion – Renn 4:1
Fofana, 8. Tolisso, 25. Lakazett, 39. Mikautadze, 77 – Meyte, 50. (51034)

Lans – Oser 0:4
Onaivu, 33; 44. Perren, 40. Huver, 73. (38193)

Strasbur – Sent-Etyen 3:1
Moreyra, 7. Davitaşvili, 19. Bakva, 83 – Emeqha, 63. (19603)

Nant – Tuluza 0:0
(31618)

Monpelye – Reyms 0:0
(10806)

1. PSJ 31 24 6 1 84-31 78
2. Marsel 31 18 4 9 66-43 58
3. Lill 31 16 8 7 49-32 56
4. Monako 31 16 7 8 58-36 55
5. Lion 31 16 6 9 62-42 54
6. Nitsa 31 15 9 7 59-39 54
7. Strasbur 31 15 9 7 51-38 54
8. Lans 31 13 6 12 35-37 45
9. Brest 31 13 5 13 49-53 44
10. Oser 31 11 8 12 45-45 41
11. Renn 31 12 2 17 46-44 38
12. Tuluza 31 9 8 14 38-39 35
13. Reyms 31 8 9 14 32-42 33
14. Nant 31 7 11 13 35-50 32
15. Anje 31 8 6 17 29-50 30
16. Havr 31 8 4 19 34-65 28
17. Sent-Etyen 31 7 6 18 34-71 27
18. Monpelye 31 4 4 23 22-71 16

Bombardirlər: Dembele (PSJ) – 21, Qrinvud (Marsel) – 19, Devid (Lill) - 16, Kalimuendo (Renn), Emeqha (Strasbur) – 14.

Növbəti turun oyunları mayın 2-4-ü aralığında keçiriləcək: Nitsa – Reyms, Strasbur – PSJ, Tuluza – Renn, Sent-Etyen – Monako, Nant – Anje, Lion – Lans, Brest – Monpelye, Oser – Havr, Lill – Marsel

Turun rəqəmi
30 – PSJ-nin məğlubiyyətsiz oyunlar seriyası bu rəqəmdə dayandı. Bu komandanın son 30 çempionat oyununda 24 qələbəsi və 6 heç-heçəsi var idi. Parislilər sonuncu məğlubiyyəti ötən il mayın 12-də “Tuluza”dan almışdı.

Turun ulduzu
Morqan Sanson (Nitsa) – mövsümboyu zədələrdən əziyyət çəkən yarımmüdafiəçi PSJ ilə oyunda parladı. Cari mövsümdə ilk dəfə start heyətində yer aldı və dərhal da dubl etdi. Halbuki ötən mövsüm keçirdiyi 29 oyunda cəmi iki qol vurmuşdu. Düzdü, “Marsel”dən Quiri son turda hətta het-trik edib. Ancaq onun qapısına 3 qol vurduğu “Brest” hara, Sansonun məyus etdiyi PSJ hara?!

Turun sitatı
Luis Enrike, PSJ-nin baş məşqçisi: