“Kiminsə zədəli olması bu məğlubiyyətə haqq qazandırmır” – Elman Sultanov
1-ci liqanın 22-ci turunda “Baku Sportinq” gözlənilmədən autsayder “Qaradağ Lökbatan”a uduzdu (0:1).
“Football-plus.az” sensasiyalı məğlubiyyət barədə buzovnalıların baş məşqçisi Elmar Sultanovun fikirlərini öyrəndi:
“Uduzsaq da, düşünürəm ki, qələbəni rəqibdən daha çox haqq edən tərəf idik. Oyunboyu üstünlük bizim tərəfimizdəydi. Ancaq uduzduq. Bu o deməkdi ki, daha çox çalışaraq növbəti qarşılaşmalarda bunun əvəzini çıxmalıyıq. Vacib xallar itirmişik. Heyətimizdə zədəli futbolçular olsa da, onları əvəz edəcək oyunçularımız var idi. Yəni kiminsə zədəli olması bu məğlubiyyətə haqq qazandırmır. Hakimliklə bağlı heç bir iradım yoxdu. Referi oyunu yüksək səviyyədə idarə etdi. Buna görə hakimlər briqadasına təşəkkür edirəm”.
MÜZƏFFƏR QULUZADƏ
Digər xəbərlər
