5 turdan sonra Elman Sultanovun çalışdırdığı komandanın hesabında yalnız bir qələbə var. Görəsən, son turda “Zaqatala” ilə səfər oyunundakı uğursuzluğun (0:2) səbəbi nədi? “Baku Sportinq”in baş məşqçisi Elman Sultanovun “Football-plus.az”a açıqlaması:
“Oyuna yaxşı hazırlaşmışdıq. Çətin olacağını bilirdik. İlk hissədə komandamız pis təsir bağışlamadı. Real qol imkanlarımız oldu, təəssüf ki, onları reallaşdıra bilmədik. İkinci hissədə isə futbolçularımız verilən tapşırıqları yerinə yetirə bilmədi. Özümüzün səhvlərimiz nəticəsində qapımızda iki qol gördük. Təbii ki, bu oyunda “Qəbələ” ilə matçda qırmızı vərəqə alan iki əsas heyət üzvümüzün – Əli Əliyev və Elvin Dəmirovun olmaması da bizə mənfi təsir etdi”.
RÖYANƏ OĞUZ
