UEFA-nın 2024-cü ildə klublarımıza ödədiyi vəsait müəyyənləşib.

"Football-plus.az" xəbər verir ki, bu barədə AFFA-nın hesabatında bildirilib. Avropa futbol qurumu ümumilikdə klublarımıza 38 milyon 716 min 172 manat ödəyib.

Bunlardan 28 milyon 319 min 296 manatı "Qarabağ"a, 3 milyon 216 min 762 manatı "Zirə"yə, 2 milyon 561 min 814 manatı "Sabah"a, 1 milyon 419 min 053 manatı "Sumqayıt"a, 878 min 948 manatı "Neftçi"yə, 577 min 585 manatı "Qəbələ"yə, 447 min 668 manatı "Səbail"ə, 426 min 696 manatı "Turan Tovuz"a, 413 min 943 manatı "Şamaxı"ya, 413 min 943 manat "Kəpəz"ə, 40 min 470 manat "Araz-Naxçıvan"a verilib

Qeyd edək ki, klubların Çempionlar Liqası və Avropa Liqasında çıxışı ilə əlaqədar və digər layihələrə görə UEFA tərəfindən ayrılan maliyyə vəsaitləri AFFA-nın hesabına və müvafiq olaraq milli assosiasiya tərəfindən klubların hesabına köçürülüb.