''Rafa Silva ''Qalatasaray''la derbidə 60 metrəlik reyd etdikdən sonra qol vurdu. Amma ''Göztəpə'' ilə oyunda topu boş qapıya göndərə bilmədi. Elə ''Kasımpaşa'' ilə oyunda da inanılmaz fürsəti boşa verdi. Üstəlik komanda yoldaşları da boş idi. Ötürmə versə, yüz faiz qol olacaqdı. Amma oyunu üzərinə götürməyə, epizodları özü bitirməyə çalışır. Niyə? Çünki artıq ''Beşiktaş'' ilə çempion ola bilməyəcəyini anlayıb. ''Özümü daha çox göstərim və başqa klubların diqqətini cəlb edim'' təfəkkürü ilə hərəkət edir. Yəni beynində ayrılmağı qarşısına məqsəd qoyan bir futbolçunun davranışlarını sərgiləyir. Özüm də futbolçu olduğum üçün belə şeyləri görə bilirəm. Masuaku öz cinahında nə qədər güclüdüsə, Svensson digər cinahda bir o qədər zəifdi. Mən də sağ müdafiəçi idim. Nəhəng klublarda Svensson kimi sağ müdafiəçilərə yer yoxdu. Müdafiə olunmaqdan başqa heç nə edə bilmir. Hücuma dəstək vermir. Topu ancaq geriyə ya da yana ötürür. Topu oyuna daxil etmə qabiliyyəti sıfırdı. Hücumda qətiyyən bir faydası yoxdu. Masuaku ise əksinə çempionatımızda ən çox hücuma dəstək verən cinah müdafiəçilərindən biridi. Mövqe səhvinə demək olar, yol vermir. Həm mübariz futbolçudu, həm də çox qaçır. Məncə, həm çempionatın, həm də ''Beşiktaş''ın ən yaxşı müdafiəçisidi. ''Beşiktaş'' bu gün Masuakunu buraxsa, onu dərhal ya ''Qalatasaray'', ya da ''Fənərbaxça''qapar''.