Görünür, La Liqada çempionluq uğrunda mübarizə sona qədər yalnız əzəli rəqiblər arasında gedəcək.

"Football-plus.az" xəbər verir ki, “Barselona” ilə “Real” qələbələri sıralayırsa, son üç oyunda yalnız 1 xal qazanan “Atletiko”nun ümidləri artıq “dəfn olunub”. Əslində ÇL-ə 4-cü vəsiqənin sahibi də, avrokuboklara yollanacaq son iki komanda da bəllidi. “Atletik”, “Betis” və “Vilyarreal” hədəfinə çox yaxın görünür.

“Barsa” “Jirona”dan ötən mövsümün qisasını necə lazımdısa, elə də aldı. “Blauqrana” Kataloniyanın kiçik təmsilçisinə iki dəfə 2:4 hesabıyla uduzmuşdu, bu dəfə isə iki 4:1-i var. Lap əvvəldən oyunun taleyi heç kimdə şübhə doğurmadı. Oyunun axarına tam nəzarət edən “Barsa” planauyğun şəkildə təzyiqi artırırdı. Hesab isə fasilə ərəfəsində avtoqol sayəsində açıldı. Amma 2-ci hissənin əvvəlində qonaqlar nadir əks-hücumların birində bərabərlik qolunu vurdu. Bu qol Flikin komandasını ruhdan salmadı, əksinə, təzyiq artdı. Levandovskinin iki qolu oyunun taleyini həll etdi. Sonda açıq oyuna üstünlük verən “Jirona” 4-cü qolu da buraxdı.

“Leqanes” İspaniyanın daha bir nəhənginin “dərisini soya bilmədi”. Borxa Ximenesin komandası bu mövsüm “Atletiko” ilə “Barsa”nı məğlub edə bilib. “Santyaqo Bernabeu”dakı oyunun ilk yarısından sonra “Real” da eyni aqibəti yaşamağa yaxın idi. Ona görə ki, Mbappenin penalti qoluna Dieqo Qarsiya ilə Raba dəqiq zərbələrlə cavab vermişdi. Amma “Leqanes”in indiyə qədər “Real”ı səfərdə məğlub edə bilməməsini də unutmağa dəyməzdi. Bu dəfə də ənənə pozulmadı. Ançelotti fasilədə yetirmələrinə necə “qulaqburması verdisə”, 2-ci hissə başlayan kimi Bellingem hesabı bərabərləşdirdi.

Qələbə topunun vurulması üçün braziliyalı vingerlərin – Vinisiusla Rodriqonun meydana çıxması lazım idi. Məhz Rodriqonun qazandığı cərimə zərbəsini Mbappe qola çevirdi. Beləliklə, “Barsa” – “Real” rəqabəti davam edir. Sona 9 tur, arada 3 xallıq fərq var.

Yığmaların oyunları üçün fasilə ərəfəsində La Liqada ardıcıl iki oyunda uduzan “Atletiko” əslində çempionluq şansını itirmişdi. Amma “hindular”ın hesabat turundakı rəqibi autsaydelərdən “Espanyol” idi, yəni onların qələbə qazanmaqla əhval-ruhiyyəni yaxşılaşdırmaq şansı vardı. Hər kəs paytaxt klubunun qələbəsini gözləyirdi. Ancaq nəticə fərqli oldu. Elitada qalmaq üçün çarpışan “Espanyol” ciddi müqavimət göstərməklə 1 xal ala bildi. 1-ci dövrədə bu komandalar qolsuz heç-heçəya razılaşmışdısa, bu dəfə qollar da oldu. Hesab ilk yarıda Aspilikuetanın ideal zərbəsindən sonra açıldı.

“Espanyol”un 2-ci hissədə təzyiqi hədsiz artırdığını, rəqibi öz qapısına sıxışdırdığını demək olmaz. Amma “tutuquşular” ələ düşən nadir imkanların birindən yararlandı. Daha dəqiqi, Lanqlenin səbəbkar olduğu penaltini Puado dəqiq yerinə yetirdi. “Real”ın ardından “Atletiko”ya da “badalaq vuran” “Espanyol” düşmə zonasından bir qədər aralandı. “Hindular” isə liderdən artıq 9 xal geri qalır.

Turun maraqlı oyunlarından biri də Sevilya derbisi idi. Düzdü, indi komandaların statusu fərqlidi. “Betis” avrokuboklar vəsiqə uğrunda oynayır, “Sevilya” isə ortabablar sırasındadı. “Betis” oyuna daha yaxşı başlasa da, hücuma atılsa da, rəqibin əks-hücumları daha təhlükəli olurdu. Məhz nominal qonaqlar 17-ci dəqiqədə hesabı açdı. Cəmi 8 dəqiqə sonra tablodakı rəqəmlər eyniləşdi. Ardından meydanda bərabər mübarizə getsə də, komandalar paltardəyişmə otağına yollanarkən “xiyarlar” irəli çıxdı. 2-ci hissə qarşılıqlı hücumlar şəraitində keçdi. Amma “Betis” hesabı qorumağı, deməli, həm də ardıcıl 6-cı oyunda qələbə qazanmağı bacardı.

Turun qalan oyunlarına gəlincə, “Osasuna”nın müqavimətini qıra bilməyən “Atletik” “Atletiko”ya yaxınlaşmaq imkanını qaçırdı. “Vilyarreal” “Xetafe”ni, “Real Sosyedad” “Valyadolid”i 2:1 hesabıyla məğlub etdi. “Rayo Valyekano” və “Valensiya” da turu qələbə ilə başa vurdu. Turun bazar ertəsi keçirilən son oyununda “Selta” ilə “Las Palmas” “sülh bağladı”.

27-ci turdan təxirə salınan oyun
Barselona – Osasuna 3:0
Torres, 11. Olmo, 21-p. Levandovski, 77. (42319)

29-cu tur
Barselona – Jirona 4:1
Kreyçi, 43. Levandovski, 61; 77. Torres, 86 – Qruneveld, 53. (48258)
Barselona: Şensnı, Kunde, Arauxo, Martines (Kubarsi, 81), Martin, Pedri (Torre, 88), E.Qarsiya (Balde, 81), Yamal, Qavi (F.de Yonq, 66), Lopes (Torres, 66), Levandovski.

Real – Leqanes 3:2
Mbappe, 32-p.; 76. Bellingem, 47 – D.Qarsiya, 33. Raba, 41. (73541)
Real: Lunin, Vaskes (Valverde, 72), Asensio, Rüdiger, F.Qarsiya, Kamavinqa, Modriç (Çuameni, 81), Bellingem, Dias (Vinisius, 62), Gülər (Rodriqo, 62), Mbappe.

Espanyol – Atletiko 1:1
Puado, 71-p. – Aspilikueta, 38. (30559)
Atletiko: Oblak, Aspilikueta (Reynildo, 81), Lanqle, Le Norman (Ximenes, 28), M.Lyorente, Lino (De Paul, 46), Simeone (Molina, 64), Barrios, Qallaher (Rikelme, 81), Qrizmann, Sörlot (Alvares, 64).

Betis – Sevilya 2:1
Kardoso, 25. K.Ernandes, 45+3 – Varqas, 17. (58538)

Atletik – Osasuna 0:0
(49671)

Xetafe – Vilyarreal 1:2
K.Peres, 29 – A.Peres, 15. Barri, 33. (11406)

Real Sosyedad – Valyadolid 2:1
Oyarsabal, 23. S.Qomes, 68 – Latasa, 90+4. (28151)

Alaves – Rayo Valyekano 0:2
Siss, 2. Dias, 58. (18336)

Valensiya – Malyorka 1:0
D.Lopes, 50. (44082)

Selta – Las Palmas 1:1
A.Qonsales, 45+2 – Moleyro, 48. (18549)

1. Barselona 29 21 3 5 82-28 66
2. Real 29 19 6 4 62-29 63
3. Atletiko 29 16 9 4 47-23 57
4. Atletik 29 14 11 4 46-24 53
5. Betis 29 13 8 8 40-36 47
6. Vilyarreal 28 13 8 7 51-39 47
7. Rayo Valyekano 29 10 10 9 33-31 40
8. Selta 29 11 7 11 42-42 40
9. Malyorka 29 11 7 11 28-35 40
10. Real Sosyedad 29 11 5 13 27-31 38
11. Sevilya 29 9 9 11 33-39 36
12. Xetafe 29 9 9 11 26-25 36
13. Jirona 29 9 7 13 37-45 34
14. Osasuna 29 7 13 9 33-42 34
15. Valensiya 29 7 10 12 32-46 31
16. Espanyol 28 7 8 13 27-40 29
17. Alaves 29 6 9 14 32-44 27
18. Leqanes 29 6 9 14 28-46 27
19. Las Palmas 28 6 7 15 32-47 25
20. Valyadolid 29 4 4 21 19-65 16

Bombardirlər: Levandovski (Barselona) – 25, Mbappe (Real) – 22, Budimir (Osasuna) - 15, Rafinya (Barselona), Sanset (Atletik) – 13.

Turun rəqəmi
521 – La Liqada oyun sayını bu həddə çatdıran Qrizmann əcnəbilər arasında rekordçuya çevrildi. “Atletiko”nun fransalı hücumçusu “Barselona”nın sabiq oyunçusu Messini (520) arxada qoydu.

Turun ulduzu
Robert Levandovski (Barselona) – niyə Mbappe yox, polşalı ulduz? Axı fransalının hesabında da derbidəki dubl var. Əvvəlcə “Jirona” ilə “Leqanes”in turnir cədvəlindəki yerinə baxmaq lazımdı. Üstəlik Mbappe hər iki qolu heç də özü qazanmadığı standart vəziyyətdən sonra vurub.

Turun sitatı
Miçel, “Jirona”nın baş məşqçisi:

Oyundan sonra
Hans-Dier Flik, “Barselona”nın baş məşqçisi:
Karlo Ançelotti, “Real”ın baş məşqçisi:

Fakt
Mbappe “Real”ın heyətindəki ilk mövsümdə qol sayına görə K.Ronaldo ilə Van Nistelroya çatdı. “Leqanes”lə oyunda dubl edən fransalı ulduz madridlilərin formasında bütün turnirlərdə keçirdiyi 45-ci oyunda qol sayını 33-ə çatdırdı. Portuqaliyalı və niderlanlı hücumçularla eyni göstəyiciyə malik Mbappe yalnız debüt mövsümündə bütün turnirlərdə 37 qol vuran çilili Samoranodan geri qalır.