Maradonanın ölümünə dair yeni şok faktlar
2020-nin noyabrında 60 yaşında dünyasını dəyişən Dieqo Maradonanın ölümü ilə bağlı məhkəmə prosesi davam edir. Ümumilikdə 6 həkim işinə səhlənkar yanaşmaqda günahlandırılır.
''Football-plus.az'' xəbər verir ki, Maradonanın oğlu bu günlərdə atasının ölümündə birbaşa həmin həkimləri günahlandırmışdı.
Bu arada Maradonanın meyitini müayinə edən həkim Karlos Kasinelli məhkəmənin son iclasında yeni və şok detalları açıqlayıb. O, Maradonanın həyatının son anlarına dair məlumatları paylaşaraq bunları deyib:
''Bizim təxminlərimizə görə Dieqo həyatının son 12 saatını çox acılar və ağrılar içində keçirib. Onun ürəyi normadan az qala iki dəfə böyük idi və piy qatı ilə örtülmüşdü. Bu da onun çox ciddi ağrılar yaşadığını göstərir. Onun ölüm səbəbi infarkt deyil. Maradona ürək çatışmamazlığına bağlı olan ağciyər ödəmi (ağciyərdə mayenin həddən artıq çox yığılması) üzündən dünyasını dəyişib. Əsas məqam ondan ibarətdi ki, Maradonanı müayinə edən istənilən normal həkim onun durumunu anlaya və lazımi tədbirlər görə bilərdi''.
Elə prokurorluğun da iddiası ondan ibarətdi ki, əfsanəvi futbolçuya əməliyyatdan sonra düzgün baxılmadı və həkimlər ona lazımi səviyyədə tibbi yardım göstərmədi. Maradonanın ölümündə günahlandırılan həkimlər arasında ölümündən öncə son 4 ildə onun şəxsi həkimi olan Leopoldo Luke və onun son günlərində dərmanlar yazan psixiatr Aqustin Kokaçov da var.
Digər xəbərlər
