Pol Poqbanın karyerasını vətənində davam etdirə biləcəyi haqda yayılan xəbər doğru çıxmayıb.

"Football-plus.az" xəbər verir ki, onun xidmətində “Marsel”in maraqlı olduğu iddia edilirdi.

Fransa klubunun prezidenti Pablo Lonqoriya hazırda azad agent olan yarımmüdafiəçi ilə müqavilə imzalanmayacaqlarını bildirib. O, “qərar verdik ki, Pol Poqba ilə bu mövsüm müqavilə imzalamayaq. Bizim danışıqlarımız oldu. Lakin sonda düşündük ki, onun bərpa müddəti heyətin tarazlığını poza bilər” – deyə açıqlama verib.

32 yaşlı dünya çempionunun sonuncu klubu “Yuventus” olub. İtaliya klubu Pol ilə müqaviləni ötən ilin oktyabrında pozub.