"Yeni futbolçuların, əsasən legionerlərin uğursuz olduğunu düşünmürəm. Onsuz da qışda yaxşı futbolçu tapmaq çətin olur. Buna rəğmən, Joarlem Santos keyfiyyətli hücumçudu. Eşitdiyimə görə, klub onun üçün transfer məbləği də ödəyib. Sadəcə, Santos zədə problemiylə üzləşdi. Futbolda heç kim bundan "sığortalanmayıb". Həmçinin Kauan Martins "Qarabağ"ın meydanında keçirilən matçda fərqlənib və komandasının qələbəsində böyük pay sahibi olub. Hayderson Urtado hücum xəttini gücləndirib. "Araz-Naxçıvan" və "Neftçi" ilə matçlarda qollar vurmaqla "Turan Tovuz"a 4 xal qazandırıb. Bu futbolçuların yanlış seçim olduğunu düşünmürəm. Anton Kraçkovskiyə gəlincə, ona, demək olar ki, şans verilmir. Bunun səbəbini bilmirəm. Kurban Berdıyevin tanıdığı oyunçunu transfer etməsi və nəticənin belə olması məni təəccübləndirdi. Məhz futbolçulardan danışası olsaq, Araş Qaderinin səhvlərini, hər oyunda komandaya mənfi təsir etdiyini vurğulamaq olar. Yenə də ayrı-ayrı oyunçuları günahlandırmamalıyıq. "Turan Tovuz" komanda şəklində uğur qazanmalıdı. Oyunçularda ciddi problem görmürəm".