"Seul"a keçmək istəyən Mahir sonda ən doğru qərarı verdi və "Nürnberq"də qalmaq istədiyini dedi. Onsuz da Koreya klubu "Nürnberq"in tələb etdiyi 500 min avronu ödəmək niyyətində deyildi. İndi Emrelinun komandadan ayrılmaq ehtimalı sıfra bərabərdi. O, "instaqram" hesabında etdiyi paylaşımla azarkeşlərə səsləndi və bütün məqamlara aydınlıq gətirdi. Bu, "Nürnberq" üçün heç şübhəsiz, şad xəbərdi. Mahir performansı sayəsində komandaya yardım edə bilər. Onun nəyə qadir olduğu bəllidi. Stefanos Tzimasla birgə hücumda çıxış edən azərbaycanlı mövsümün birinci yarısında yaxşı işlər gördü. Tzimas da belə bir dostunun olmasından xoşbəxtdi. Onlar bir-birini anlaya bilir. Mahir sözünün arxasında dayanmalı, yenidən qollar vurmağa başlamalıdı".