"Daha müdrik oynamağa başlamışıq" - Berdıyev niyə təəssüfləndi?
Misli premyer-liqasının 10-cu turunda “Turan Tovuz” “Sumqayıt”ı məğlub etdi - 4:2.
“Football-plus.az” xəbər verir ki, matçdan sonra keçirilən mətbuat konfransında “Turan Tovuz”un baş məşqçisi Kurban Berdiyev jurnalistlərin suallarını cavabladı.
- İki fərqli hissə izlədik. "Zirə" ilə ilk hissədə pis oynadıqsa, ikinci hissə əvəzetmələrdən sonra yaxşı oynamışdıq. Bu dəfə tam əksi oldu. Səbəbini axtaracağıq.
- Müdafiədə səhvlər oldu. Komandanın müdafiə planında zəiflədiyini düşünürsüz?
- Yalnız müdafiəni götürmək olmaz. Müdafiə bütün komanda deməkdi. Burda da problemlər var idi.
- Birdən-birə 4 əvəzetmə boşluqlarla əlaqəli idi yoxsa başqa bir plan idi?
- Bir az yenilik etmək istədik. Rəqib boşluqlar tapırdı və bundan istifadə etməyə başlamışdı. Buna görə əvəzetmələr etdik. Təəssüf ki, düşündüyümüzdən fərqli oldu. Ancaq "Zirə" ilə oyunda məhz bu oyunçular fərq yaradıb, xeyir vermişdilər.
- "Sumqayıt” matça yeni baş məşqçi ilə çıxmışdı. Bu, nəticəyə nə dərəcə təsir etdi?
- "Sumqayıt" haqda danışmayacağam.
- Avqustda "Sumqayıt"a 1:0 hesabı ilə qalib gəlmişdinizsə, bu dəfə 4 qolluq qələbə qeydə alındı. Komandada böyümə hiss olunurmu?
- İki oyunla müqayisə etsək, indi daha müdrik oynamağa başlamışıq. Həm hücumda, həm də müdafiədə belədi. Tovuzda da, burda da ikinci hissənin əvvəlini uduzmuşduq.
ƏSƏD SEYİDOV
Digər xəbərlər
