Ukrayna çempionatında uzunmüddətli qış fasiləsi həftəsonu başa çatdı.

“Kolos” “Çernomorets”lə ev oyununun 92-ci saniyəsində hesabı açsa da, odessalıların əzmkar qələbəsinə mane ola bilmədi. Yanvarda “Polesye”dən icarəyə götürülən Emil Mustafayev “dənizçilər”in ilk “11-liy”ində yer aldı və 88-ci dəqiqədə əvəzləndi. Onun 18 və 45-ci dəqiqələrdə fərqlənmək imkanını qaçırdığını da vurğulayaq.

Turun ən böyük sensasiyası avrokuboklara iddialı “Krivbass”ın evdə “Veres” önündə darmadağın olmasıdı – 0:3. Krivoy-Roq klubunun 4 oyunluq qələbə seriyasına Rovnoda son qoyuldu. “İnqulets” meydan sahibi statusunda “Polesye”ni elə bu komandanın Jitomirdəki stadionunda qəbul etdi. 62-ci dəqiqədə meydana çıxan Nazarenko cəmi bir dəqiqə sonra Batistaya məhsuldar ötürmə verdi. “Polesye” öz meydanında keçirdiyi səfər oyunundan qalib ayrılmaqla avrokuboklara iddiasını davam etdirdi.

Təkcə Emil Mustafayev yox, Roman Qriqorçuk da yeni komandasında debüt etdi. “Neftçi” ilə uğursuzluğa düçar olan ukraynalı mütəxəssis LNZ-ni çıxardığı ilk oyunda qələbəyə sevindi. Çerkassk klubu onun rəhbərliyi altında 5 oyunluq qələbəsizliyə son qoydu.

“Obolon”la “Vorskla” arasında keçirilən əvvəlki 4 oyunun hamısında poltavalılar qələbə qazanmışdı. Ancaq bütün seriyaların başa çatdığı gün olir. “Obolon” yeni yarixində ilk dəfə “Vorksla”nı məğlub etməklə bu komandanı turnir cədvəlində qabaqladı. “Dinamo” ilə çempionluq uğrunda mübarizəni sona qədər davam etdirmək niyyətində olan “Aleksandriya” evdə “Zarya” üzərində əzmkar qələbə qazandı.
Ukrayna futbolunun nəhəngləri meydana başqalarından sonra çıxdı. “Dinamo” bazar günü evdə “Karpatı” ilə qarşılaşdı. Lvovlular fasiləyə qədər rəqibin hücumlarının qarşısını çətinliklə ala bilsə də, 2-ci hissədə bu mümkün olmadı.

Mixaylenko ilə Vanatın vurduğu qollar kiyevlilərə mövümdəki 14-cü qələbəni qazandırdı. Onlar hələ də məğlub olmayıb.
“Şaxtyor” dünən “Levıy bereq”lə qarşılaşdı və Şvedin 2-ci hissədə vurduğu yeganə qolla qələbə qazandı.

18-ci tur
Dinamo – Karpatı 2:0
Mixaylenko, 54. Vanat, 75.
Dinamo: Neşeret, Vivçarenko (Dubinçak, 79), Popov, Timçuk, Mixavko, Yarmolenko (Voloşin, 65), Buyalski (Şaparenko, 79), Pixalenok (Brajko, 65), Mixaylenko (Rubçinski, 85), Vanat, Kabayev.

Şaxtyor – Levıy bereq 1:0
Şved, 61.

Kolos – Çernomorets 1:2
Kovtalyuk, 2 – Skiba, 10. Popov, 87.

Krivbass – Veres 0:3
Şaray, 27. Qayduçik, 40. Xaratin, 72.

İnqulets – Polesye 0:1
Batista, 63.

Rux – LNZ 0:1
Tankovski, 3.

Obolon – Vorskla 1:0
Suxanov, 66-p.

Aleksandriya – Zarya 2:1
Filippov, 45; 47 – Vantux, 43.

1. Dinamo 18 14 4 0 39-11 46
2. Aleksandriya 18 12 5 1 28-13 41
3. Şaxtyor 17 11 3 3 42-15 36
4. Krivbass 17 9 4 4 22-16 31
5. Polesye 18 8 6 4 25-16 30
6. Karpatı 18 7 3 8 22-23 24
7. Rux 18 5 8 5 21-15 23
8. Veres 18 7 7 6 20-24 22
9. LNZ 18 6 4 8 19-26 22
10. Zarya 17 7 1 9 19-22 22
11. Kolos 18 3 9 6 12-14 18
12. Obolon 18 4 5 9 11-29 17
13. Vorskla 18 4 4 10 15-26 16
14. Levıy bereq 18 4 4 10 9-21 16
15. Çernomorets 18 4 3 11 13-26 15
16. İnqulets 17 1 6 10 12-32 9

Bombardirlər: Vanat (Dinamo) – 11, Qutsulyak (Polesye) – 9.