"Neftçi" ölkə kubokunun 1/4 final mərhələsinin cavab oyununda "Kəpəz"i məğlub etdi - 1:0.

- Azarkeşlərə təşəkkür edirəm. Bizi yaxşı dəstəklədilər. Meydançaya baxan insanlar var, bu oyunda da, "Sumqayıt"la oyunda da çox əziyyət çəkdilər. Məşq meydançalarımızı da təmizləyib, bizə şərait yaradırlar. Hamısına təşəkkür edirəm. O qədər belə insanlar var ki, kölgədə qalırlar. Onlara təşəkkür etmək borcumuzdu.

- "Kəpəz"i hansı komponentdə üstələdiz?
- Bu gün komandanı oyuna hazırlamaq önəmli idi. 2:0 hesabı da təhlükəli idi, rahatlığı aradan qaldırmaq lazım idi. Uşaqlar ilk dəqiqədən göstərdilər ki, hansı niyyətlə oyuna çıxıblar. Futbol haqda danışmaq çox çətindi. Bu cür oyunlarda xarakter önə çıxır, vuruşmalısan. Futbolçular konsentrasiyalı, yüksək səviyyədə oynadılar. Paltardəyişmə otağında onlara təşəkkür edə bilmədim. Tez geyinib, bazaya getməliyik. Sağolsunlar. Reallığı götürsək, birinci oyunda cütün taleyi bəlkə də həll olunmuşdu. Amma bu gün xarakter göstərmək də çox önəmlidi. Onu da bacardılar.

- Qrafikə baxanda görürük ki, martın 22-dən sonra "Neftçi"nin çətin oyunları başlayır.... "Sabah" da kubok istəyir...
- Bəli, rəqib də kuboka köklənib. Martda hansı oyunların olduğunu bilmirdim. Hər həftə oynayacağımız matçlara köklənirik. Bu mövsüm nə qopara bildiksə, qoparacağıq. Kubok olsun, çempionat olsun. Bacardığımız qədər yaxşı oynayacağıq. Pis oynadığımız oyunlarda da xal toplamağa çalışacağıq. 1-2 ildi ki, referilər haqda danışmaq istəmirdim. Amma son vaxtlar verilən qərarlar, bizim matçlarda baş verən hadisələr məni narahat etməyə başlayıb. Bu hardan irəli gəlir? Hakimlər üçün də bu gün çox çətin idi, qaça-qaça meydançanı görmək... Amma elə epizodlar var ki, TV-də siz də, köhnə hakimlər də dəfələrlə vurğulayıblar. Bizə referilər seminar keçir. Hər epizod kitabdakı qədər olmur. Həmin vəziyyətə görə hər şeyi analiz edib ondan sonra qərarlar verilməlidi. Bugünkü qırmızı vərəqəyə etiraz etdim və edirəm də. Top bizim oyunçudadı. Aqressiya yox, top almaq yox. Pas verir və ayağı dəyir. Şiddət də yoxdu. VAR sistemi var. VAR-a baxa-baxa düşünməyə vaxt da olur. Sarı vərəqə də göstərmisən. "Qırmızılıq" bir şey yox idi, etiraz edirəm. Bir az diqqətli olmaq lazımdı. Başqa cür anlaşıla bilər. Bəzi epizodları qarşımıza qoyarlar ki, xeyrinizə qərarlar verilib. Referilərin düşdüyü vəziyyətdə kitbaba yox, həmin vəziyyətə görə qərar vermələrini istəyirəm. Qırmızı vərəqə ağır idi.

- Hakimin VAR-da epizodu dəyərləndirmək üçün vaxtı oldu. Qərəzdi, yoxsa hakim səhvi?
- Qərəz deyil, özünü "sığortalamaqdı". Hakim kitabı açacaq və buna oxşar epizodlar orda yazılacaq. Kimin qabağına getsə, açıb göstərəcək. Necə ki, yol polisi saxlayır və qaydaları göstərir. VAR-ı rədd eləmək lazımdı. Bilmirəm hakim futbol oynayıb, ya oynamayıb. Top ayağımdadı və ötürmə edirəm, şiddət yoxdu. "Qırmızı"dan danışmaq olmaz. VAR çağırsa da, analiz edə bilərsən. Sarı vərəqə ilə söhbət bağlanmalı idi. Dediklərim ağır çıxa bilər. Sadəcə məntiqlə düşünmək lazım idi. Dedim məntiqlə düşün və mənə darı vərəqə verildi. Qərəzdi, ya deyil, kimə görə edilib, bilmirəm.

- Appelyasiyaya müraciət edəcəksiz?
- Qərara baxacağıq. Ümid edirəm ki, bu qərarı çıxaranlar epizoda baxarlar. O qədər olub ki, qərarlar dəyişdirilib.

- 2020/21 mövsümündə komandada Yusuf Laval, Steven Monroz, Sabir Buqrin kimi oyunçular var idi ki, işlər yaxşı getməyəndə onlar ön plana çıxıb, nələrsə edirdi. Niyə indi komandada bu cür futbolçular yoxdu?
- Mənim üçün cavabı çətin olan sualdı. Məndən əvvəl başqa baş məşqçi olub, komandaya onun oyun tərzinə uyğun futbolçular dəvət edilib. Yayda dəyişikliklər olacaq. Elə mövqelər var ki, orada başqa cür oyunçular görməyi xoşlayıram. Bu gün həmin futbolçular yoxdu. Bu da mənim üçün problem deyil. Əlimizdə olan oyunçularla, istədiklərimizi etməyə çalışırıq.