Vurğun Hüseynov: “Hər birimiz azarkeşlərə minnətdar olmalıyıq” - AÇIQLAMA
Premyer -liqanın son turunda “Sumqayıt” “Səbail”i darmadağın etdi - 5:0.
“Football-plus.az” xəbər verir ki, matç bitəndən sonra əksər futbolçular paltardəyişmə otağına yollandı. Lakin kapitan Vurğun Hüseynov onların hamısını geri səsləyib, azarkeşlərə təşəkkür etməyə apardı. Görəsən, bu jest müdafiəçi tərəfindən fanatlara minnətdarlıq və mövsümü yaxşı pillələrdə başa vurmadıqlarına görə üzrxahlıq idi? Təcrübəli futbolçunu dinləyək:
“Hər birimiz azarkeşlərə minnətdar olmalıyıq. Çünki uduzanda və qələbə qazananda da onlar yanımızda olur. Sizin vasitənizlə azarkeşlərimizin hər birinə təşəkkür edirəm. Çox istəyirdik ki, qələbə qazanaq. Şükürlər olsun ki, buna nail olduq. Qələbə qazanıb, azarkeşlərimizi sevindirdik. Matç bitəndən sonra onlar bizi yanlarına səslədi. Gördüm ki, komanda yoldaşlarımdan əksəriyyəti paltardəyişmə otağına yollanıb. İçəri gedib, onları yenidən tribunaya tərəf gətirdim. Bu mənim vəzifə borcum idi. Çünki azarkeşlərə təşəkkür etmək vacibdi. Onlar hər oyunda yanımızda olurlar”.
İLKİN SULTANLI
Digər xəbərlər
