Türkiyə çempionatının 23-cü turunda ''Kasımpaşa'' ''Çaykur Rizəspor''u qəbul edib.

''Football-plus.az'' xəbər verir ki, qarşılaşmanın 38-ci dəqiqəsində futbol meydanlarında nadir hallarda görünən bir epizod yaşanıb. 1:1 hesabı davam edərkən bir epizodda ''Kasımpaşa''nın baş məşqçisi Burak Yılmaz oyunda olan topa müdaxilə etdiyi üçün qarşısında birbaşa qırmızı vərəqə görüb.

Qaydalara görə ehtiyat zonada dayanan məşqçinin meydandan çıxmayan topa müdaxilə etmək haqqı yoxdu. 39 yaşlı mütəxəssis qırmızı vərəqəni görən kimi əsəblərinə hakim ola bilməyərək hakimlə ciddi mübahisə edib. O, digər isimlərin müdaxiləsindən sonra sakitləşərək tribunaya yollanmalı və matçın qalan hissəsini ordan izləməli olub. Beləliklə, Burak Yılmaz ''Kasımpaşa''nın başında çıxdığı ilk ev oyununda qırmızı vərəqə aldı.

Komanda onun başçılığı altında ilk matçını ötən həftəsonu səfərdə ''Adana Dəmirspor''a qarşı keçirmiş və 5:3-lük qələbə qazanmışdı. Bu dəfəki oyunda İstanbul klubu 3:2 hesabı ilə üstün olub.

Bu qırmızı vərəqə həm də o deməkdi ki, Burak növbəti tur ''Fənərbaxça''ya qarşı oyunu tribunadan izləməli olacaq. 24-cü turda ''Kasımpaşa''nı məhz Kadıköy səfəri gözləyir.

Yılmaz bir müddət öncə qatıldığı bir verilişdə ''Fənərbaxça'' - ''Lion'' oyununu tribunadan təqib etmək istədiyini, amma ''Fənər'' azarkeşlərinin etirazından çəkindiyini bildirmişdi.

ƏLİ