“Faydalı olub-olmayacağını demək çox çətindi. Bəli, əslində Kadini çox yaxından tanıyırıq. Vaxtilə “Qarabağ”da çox effektiv oyun nümayiş etdirib. Yarımmüdafiədən, cinahlardan, bəzən də meydanın mərkəzindən yaxşı zərbələrin müəllifi olub. Amma meydanda ad oynamır. Onu “Krasnodar”ın heyətində yaxşı səviyyədə görə bilmədik. Lazımi qədər şans qazanmırdı. “Ferentsvaroş”un əsas heyətində də möhkəmlənə bilmədi. Hansı formada olduğunu bilmirik. Yalnız ümid edə bilərik ki, formadan düşməyib. Hər halda, “Qarabağ”ın daxili çempionatlarda uğur qazanması üçün oyunçularının sayı, keyfiyyəti o qədər çoxdu ki, Kadi zəif olsa belə, mövsümün sonuna qədər formaya düşmək üçün vaxtı var. Başqa bir tendensiyanı da xatırlatmaq istəyirəm. Adətən, “Qarabağ”a qayıdan futbolçuların əksəriyyəti əvvəlki kimi oynaya bilmir. Ümid edək ki, Kadi istisna olacaq. Onsuz da potensialı var. “Qarabağ”a elə Kadi kimi futbolçu lazım idi. Dəqiq danışmaq üçün bir qədər gözləmək lazımdı. Məncə, “Qarabağ”ın Kadiyə Çempionlar Liqası matçlarında ehtiyacı olacaq”.