"Olimpiakos"un futbolçusu Qurbanovun proqnozunu təsdiqlədi - "azərbaycanlıları məğlub etmək..."
"Qarabağ" Avropa Liqasının sonuncu - 36-cı turu çərçivəsində Yunanıstanda keçirilən matçda "Olimpiakos"a uduzdu - 0:3.
Məlum olduğu kimi, “köhlən atlar"ın baş məşqçisi Qurban Qurbanov həm oyunöncəsi, həm də oyunsonrası açıqlamalarında bu komandanın Avropa Liqasının qalibi olmaq istədiyini deyib. "Football-plus.az" xəbər verir ki, mütəxəssin proqnozu özünü doğruldub.
Bu barədə "sport24.gr" məlumat yayıb. Bilgini yunanıstanlı həmkarlarımıza açıqlama verən Əyub Əl-Kabi də təsdiqləyib:
"Nikbinəm. Ona görə ki, "Qarabağ" üzərində inamlı və layiqli qələbə qazandıq. Azərbaycanlıları məğlub etmək bizim üçün çox vacib idi. "Olimpiakos" böyük tarixi və futbolçuları olan komandadı. Məqsədimiz Avropa Liqasının qalibi olmaqdı. Biz bunu istəyirik və bacaracağımıza inanırıq".
Xatırladaq ki, Əl-Kabi "Qarabağ"la matçda dubl müəllifi olub.
KƏNAN BAHADIR
Digər xəbərlər
