“Olavio ilə yaxın dostuq. Braziliyalıların əksəriyyətindən fərqli mərkəz hücumçusudu. Bilrisiz, necədi? Adətən, komandalarda bir hər oyunda qol vuran, bir boşluqları vaxtında doldura bilən, bir hərəkətli oyunçu olur. Kollektiv məhz həmin futbolçular sayəsində uğur qazanır. Juninyo isə fərqlidi. O nəinki bu xüsiyyətlərə malikdi, həm də çox sürətlidi. Bəllidi ki, Braziliyada belə oyunçulara nadir hallarda rast gəlinir. Onun “Qarabağ”da çox qol vurmasının əsas səbəbi çox sürətli olmasıdı. Ötürmə üsulları da inanılmazdı. Belə xüsusiyyətlərə malik olan mərkəz hücumçularının sayı çox azdı. Əksəriyyəti bunu edə bilmir. Bu üzdən “Flamenqo” və “Sevilya” kimi nəhəng klubların onunla maraqlanması mənə təəccüblü gəlmədi. Bəziləri düşünür ki, belə komandaların “Qarabağ”ın futbolçusuyla maraqlanması mümkün deyil. Məncə, yanlış fikirdədilər. Juninyo tezliklə İspaniya və Braziliya klublarının onunla maraqlanmasının səbəbini meydanlarda göstərəcək. Əla oyunçudu. Xeyli matçda fərdi ustalığa və ya fərqli taktikaya ehtiyac olduğu anda ortaya çıxıb və heç nədən qol vuraraq oyunun taleyini həll edib. Sürətindən istifadə edərək Braziliyada da qollar vuracağına inanıram. Bu ölkənin ehtiyacı olduğu futbolçu məhz Juninyodu. Təəssüf ki, A seriyasında belə oyunçular çatışmır”.

“Ötən il Avropa Liqasının 1/4 finalına vəsiqə qazandıq. Bu uğur nəinki “Qarabağ”ın, Azərbaycan futbolunun tarixində ilk idi. Həmin mövsümdə “Braqa”nı da məğlub etdik. Juninyo bu komandanın meydanında möhtəşəm qol vurdu. O, “Bayer-04”lə matçlarda da komandanın ən möhtəşəm oyunçularından biri kimi çıxış etdi. Bəllidi ki, “Flamenqo”nun bu futbolçunu istəməsinin ən ciddi səbəbi həmin oyunlardı. Səhv etmirəmsə, Almaniyada və avrokuboklarda “at oynadan” leverkuzenlilərlə görüşlərdə iki qol, bir məhsuldar ötürmə müəllifi oldu. Həmin oyunlar çox ağır keçdi. Bu matçlardan sonra Avropa klublarının bizə yanaşma tərzi dəyişdi. Başqa cür baxmağa başladılar. Yeni mövsümdən Portuqaliyada öyrəndiyim bəzi “silahsızlaşdırma” nömrələrindən istifadə etməyə başladım. Düzdü, “Qarabağ”a gəlməzdən əvvəl əla yarımmüdafiəçi deyildim, lakin indi öyrəndiklərim mənə çox kömək edir. Azərbaycan çempionatına gəlincə, “Qarabağ” uzun illərdi çempion olur. Klub və baş məşqçimiz Qurban Qurbanov öz fəlsəfəsini qoruyur. Amma bu o demək deyil ki, oyunlar asan keçir. Komandalar bizə qarşı xüsusi hazırlaşırlar və daha çox güc sərf etmək istəyirlər. Hətta bəzi matçlar çox gərgin keçir. Avropa Liqasındakı rəqiblərimiz bir-birinə çox bənzəyir. Premyer-liqadakı komandalar isə çox geridədi. Fərqli üslubları var. Bəzən nə edəcəklərini bilmirik”.

“Burda azarkeşlər yalnız böyük oyunlarda stadiona gəlir. Onların təzyiqi Braziliyadakıyla müqayisədə azdı. Komandada daha çox baş məşqçimizin təzyiqini hiss edirik. Klub rəhbərliyi və tərəfdarlar bu işlərə, demək olar ki, qarışmır. Bu mənada yalnız çox xüsusi halları istisna etmək mümkündü. Portuqaliyada, ümumiyyətlə, belə vəziyyətlə rastlaşmamışam. Qısası, Juninyo indi fərqli mühitə gedir. Məncə, karyerasında böyük sıçrayışa nail olacaq. O, çalışqan oğlandı. Oynamağa hazırdı. İnanıram ki, qısa vaxtda komanda yoldaşlarıyla səmimi münasibət qura biləcək. Çünki nə etmək istədiyini bilir. Bu üzdən “Flamenqo”da uğur qazanmaq şansı çox yüksəkdi. Azərbaycanın mədəniyyəti, iqlimi və insanları fərqlidi. Portuqaliyada həyat sakitdi və uyğunlaşmaq daha asan olur. O vaxt məni çox yaxşı qarşıladılar. Düzdü, eyni münasibətlə Azərbaycanda da qarşılaşdım. Burda legionerlər xoş qarşılanır. Etiraf edim ki, “Qarabağ”a gələnə qədər qorxurdum. Amma şəhəri tanıyandan sonra çox təsirləndim. Hamını bəyəndim. Lakin Azərbaycandakı insanlar çox şeyi bilmir. Yenə də Avropadakı bir çox ölkədən öndədilər. Məsələn, təhlükəsizlik yüksək səviyyədədi. Azərbaycan haqda danışarkən nədənsə şikayətlənə bilmərəm. Burda yerli dildə, demək olar ki, danışmıram. Daha çox rus dilindən istifadə edirlər. Bu dil çox çətindi... Mən ingilis dilində danışıram. Belədə komanda yoldaşlarımla daha yaxşı ünsiyyət qururam, problemlərimi həll edirəm. “Qarabağ”da dörd braziliyalı, bir kolumbiyalı, bir kobo verdeli və bir portuqaliyalı var. Tərcüməçimiz çox yaxşıdı. Qurban Qurbanov danışanda sürətlə hər şeyi bizə izah edir. Asudə vaxtımızda oyun oynayırıq. Juninyo, Silva, mən və Almeyda “Free Fire” oyununu çox sevirik” (gülür).