“Arsenal” “Real Sosyedad”ın daha bir futbolçusunu sıralarına qatmağa çalışır.

İngiltərə klubu Martin Subimendi ilə danışıqlarda müsbət nəticəyə nail olub. “Daily Mail” qəzetinin məlumatına görə, İspaniya klubunun rəhbərliyi 25 yaşlı dayaq yarımmüdafiəçisini bu qış satmaq niyyətində deyil. Londonlular isə ispaniyalı futbolçunun agenti ilə danışıqlar aparırlar. İngiltərə klubu “Real Sosyedad”a 60 milyon avro təklif etməklə Martini Londona gətirməyə çalışır.

Qeyd edək ki, Subimendi bu mövsüm “Real Sosyedad”da 22 oyuna çıxaraq 1 qol vurub və 2 qolun ötürməsini edib. Bu yerdə “Arsenal”ın ötən yay İspaniya yığmasının daha bir yarımmüdafiəçisi Mikel Merinonu sıralarına qatdığını da xatırladaq.