“Seçki kampaniyasında söz vermişdim ki, tələsik heç bir addım atmayacam. Hazırda baş məşqçimiz var və işini də yaxşı şəkildə davam etdirir. Hər şeyi ən xırda detallarına qədər götür-qoy etməliyik. Bu camiənin önəmini, dəyərini, böyüklüyünü bilən bir məşqçi axtarırıq. Ötən həftə Sərgən Yalçınla görüşdük. Qardaşına Allahdan şəfalar diləyirəm. Əcnəbi məşqçilərlə bağlı alternativ variantlarımız var. Bəziləri ilə görüşmüşük və indi də görüşməkdə davam edirik. Sosial şəbəkədən gələn təzyiqlə məşqçi seçməyəcəyik! Zatən anlaşadığımız bir isim olsa, o dəqiqə açıqlayacağıq. “Beşiktaş”ın artıq səhv etmək limiti tükənib. Hər səhv kluba maddi baxımdan çox böyük ziyan vurur. Yanlış məşqçi seçimləri üzündən son illərdə 20 milyon avrodan çox təzminat ödəmişik. Eyni səhvə yol vermək istəmirik. Axtarışlarımız davam edir. Bir qədər də səbrli olaq. Heç bir ad açıqlamaq istəmirəm. Onsuz da mətbuatda adı bizimlə hallanmayan məşqçi qalmayıb. Onlarla üzbəüz görüşməmişəm. Belə görüşləri, adətən, telefonla, “zoom” proqramı ilə həyata keçiririk. Amma mən heç bir məşqçi ilə üzbəüz görüşmədən qərar vermərəm. Jurnalistlərimiz sağ olsun. Boşda olan məşqçilərdən bizimlə danışıqlar aparmayanı qalmadı. Hamınıza təşəkkür edirəm. Bir daha deyirəm ki, qərar verilən kimi bundan xəbəriniz olacaq. Həm də skaut departamentinin başına yeni bir isim gətirmək istəyirik. Onun da adını açıqlamayacam. Çünki hələ rəsmiləşməyib. Ötən həftə İstanbula gəldi və iki gün burda qaldı. Hazırda müqavilə ilə bağlı olduğu bir klub var. Həmin klubla müqavilənin ləğv olunması baxımından bəzi çətinliklər yaşayır. Yoxsa həmin şəxs zəng vurub “gəlirəm” desə, adını lap bu gün də açıqlayarıq. Sadəcə, klubunun ondan bəzi tələbləri var. O da bu şərtləri yerinə yetirməyə çalışır. Yəni biz tərəfdən heç bir problem yoxdu. Onun klubu ilə problemini yoluna qoymasını gözləyirik”.