“Everton” rəhbərliyi baş məşqçi problemini tezliklə yoluna qoymağa nail olub.

Devid Moyes yenidən bu komandanı çalışdıracaq. “The Times” nəşrinin məlumatına görə, şotlandiyalı mütəxəssis ilə sabiq klubu arasında aparılan danışıqlar müsbət nəticələnib. Qeyd edək ki, Moyes 2002-13-cü illərdə “Everton”u çalışdırıb.

Sonuncu klubu “Vest Hem” olan mütəxəssis “Mançester Yunayted”, “Real Sosyedad” və “Sanderlend”i də çalışdırıb.
“Everton” hazırda premyer-liqada 17 xalla 16-cı yeri tutur.

Uğursuz nəticələrə görə Şon Dayç bir neçə gün əvvəl istefaya göndərilib.