“Bəli, Adalı ilə görüşdüm. Ona işimə köklənə bilməyəcəyimi söylədim. İndi başqa yerə - ailəmə konsentrasiya olunmuşam. Məşqçi üçün isə konsentrasiya ən önəmli məqamdı. Başqan da sağ olsun, məni anlayışla qarşıladı. Təəssüf ki, indiki dönəmdə komandaya faydalı ola bilməyəcəyimi söylədim. Mən heç kimə söz verməmişdim və heç kimi də gözlətdirmədim. Qardaşım iki ildi müalicə olunur. Müalicəsi çətin keçir. Yeni ili Türkiyədə qarşılamadım. Başqa ölkədəydim. Yeni ildən 2 gün sonra qəfil vəziyyəti pisləşdi. Tibbi yardımla xəstəxanaya gətirdik. Ciddi həkim nəzarətindədi. Həyati təhlükəsinin olduğunu dedilər. Mən də dərhal ölkəyə qayıtdım. Heç kimə izahat vermək məcburiyyətində deyiləm. Sadəcə, insanları məlumatlandırmaq üçün söyləyirəm. Sonradan məni günahlandırmalarını, yanlış sözlər yazmalarını istəmirəm. Ailə həyatda hər şeydən önəmlidi. Ailəmiz üçün asan bir durum deyil. Heç birimiz bunu gözləmirdik. Hər şeyin öz axarında irəliləyəcəyini düşünürdük. Bir andaca vəziyyəti dəyişdi. Mənə düzələcəyinə söz verib. İnşallah, düzələcək. Biz Sərdar Adalı ilə bir-birimizi çoxdan tanıyırıq. Aramızda köhnə dostluq var. Görüşdə komanda ilə bağlı bəzi məsələləri də müzakirə etdik. Adalıya komanda ilə bağlı fikirlərimi bildirdim. Mən ona məsləhətlər verdim, o da mənə. Yəni söhbət əsasən bu məcrada keçdi. Heç bir müqavilə və ya maddi məsələlər müzakirə olunmadı. Mən heç kimə “gəlməyə razıyam” deməmişdim. Belə məsələlərdə əvvəlcədən söz verməyi xoşlamıram. Sadəcə, bazar günü başqanla görüşəcəyimi demişdim, vəssalam. Görüşümüz də baş tutdu. Həyatımda indi bu qədər çətin bir dönəm olmasaydı, durum fərqli ola bilərdi. Amma fikrimi başqa yerə yönəldə bilmirəm”.