Sərgən Yalçından qardaşı ilə bağlı yeni açıqlama
Sərgən Yalçın ''instaqram'' səhifəsində qardaşı Gürsoy Yalçın ilə bağlı yeni paylaşım edib.
Məlum olduğu kimi Gürsoy Yalçın xərçəng xəstəliyindən əziyyət çəkir. ''Football-plus.az'' xəbər verir ki, son günlər durumu ağırlaşdığı üçün o, reanimasiyaya yerləşdirilmişdi. Sərgən Yalçın məhz bu durumu əsas gətirərək indi futbola köklənə bilməyəcəyini demiş və ''Beşiktaş''ın prezidenti Sərdar Adalının təklifini geri çevirmişdi. Anası və qardaşı ilə birlikdə olduğu şəkili hekayə bölümündə paylaşan Sərgən bunları yazıb:
''Qardaşım Gürsoyun durumuna görə narahatlıq keçirən, reanimasiyada olduğu müddətdə dəstək verən, zəng vurub maraqlanan, dualarını ve gözəl sözlərini əskik etməyən hər kəsə ürəkdən təşəkkürümü bildirirəm. Çox şükür, qardaşım artıq reanimasiyadan çıxıb. Bu çətin dönəmimizdə yanımızda olduğunuz üçün hər birinizə minnətdaram''.
ƏLİ
Digər xəbərlər
