“Öncə onu qeyd edim ki,klubdan uzaqlaşdırılmağımla bağlı gəzən söz-söhbət doğru deyil. Klubda seleksiyaçı-məşqçi kimi fəaliyyət göstərmişəm və hazırda da fəaliyyətimi davam etdirirəm. Əvvəl Elvin Məmmədovla birlikdə U-19 komandamızda məşqçi kimi fəaliyyət göstərirdik. Cavid Hüseynov əsas komandanın baş məşqçisi təyin olunandan sonra biz də əsas komandada köməkçi kimi fəaliyyətə başladıq. Hər iki komandada paralel çalışırdıq. Lakin qış fasiləsində vaxt məhdudiyyətini, bir neçə istiqamətdə çalışmağın fiziki cəhətdən çətin olduğunu nəzərə alıb ortaq qərara gəldik. Yəni mən U-19 komandasında, Elvin Məmmədov isə yalnız əsas komandada işləsin”.