“Təcrübə toplamaq üçün belə işləmək mənə vacibdi” – Elvin Məmmədov nə vaxta qədər iki yerdə çalışacaq?
Məlum məsələdi ki, Cavid Hüseynov “Səbail”də çalışdığı gündən Elvin Məmmədov ona kömək edir.
Buna qədər isə Məmmədovu, sadəcə, U-19 komandasının baş məşqçisi kimi tanıyırdıq. Təbii, Hüseynovun yaxın dostunun yardımına bel bağlaması gözlənilən idi. Məmmədov həm əsas komandada köməkçi məşqçi kimi fəaliyyət göstərəcək, həm də 19 yaşadək futbolçulara rəhbərlik edəcək.
Bəs bu hal onun iş qrafikində hansısa maneə yaratmayacaq? Yoxsa bu, müvəqqəti belədi? Elvin Məmmədovun “Football-plus.az”a cavabı belə oldu:
“Akademiyamızın əlaqələndiricisi Mirbağır İsayev və baş məşqçi Cavid Hüseynov ilə məsləhətləşdim. Əsas komandada köməkçi məşqçi kimi davam edəcəm. Eyni zamanda da U-19-da baş məşqçi olaraq çalışacam. Mövsümün sonuna kimi belə olacaq. Təcrübə toplamaq üçün belə işləmək mənə vacibdi. Ona görə də hər iki işə davam edəcəm. Bu da mənə heç bir əngəl törətməyəcək”.
RÖYANƏ OĞUZ
Digər xəbərlər
