“Ağdaş” mərhum məşqçisini yad edəcək
“Ağdaş”ın təşkilatçılığı ilə iyulda çayda boğularaq faciəvi şəkildə ölən Rəhman Əliyevin xatirəsinə həsr olunmuş futzal turniri keçirilir.
Yanvarın 10-da start götürəcək turnirlə bağlı ətraflı məlumat almaq üçün “Ağdaş”ın baş məşqçisi Ruslan Hüseynova müraciət etdik.
Onun “Football-plus.az”a açıqlaması:
“2010-cu ildən müntəzəm minifutbol, futzal turnirləri təşkil edirəm. Bu turnir də fikrimdə var idi. Əslində yayda minifutbol turniri keçirmək istəyirdim. İstirahət vaxtıdı və uşaqlar da formada qalsın deyə, Ağdaşda bu turniri keçirirəm. Əslində böyük futbol təşkil etmək istəyirdim. İnşallah, yayda onu da edəcəm. 15-16 komanda olmalıdı. Bir həftə əvvəl Qəbələdə 18 komandanın iştirakı ilə minifutbol çempionatı keçirmişdim. Bu dəfə Rəhman Əliyevin xatirəsini yaşatmaq üçün bu turniri təşkil etməyə qərar verdim”.
ƏSƏD SEYİDOV
Digər xəbərlər
