''Belə nəticəni heç birimiz gözləmirdik. Bizim üçün də sürpriz oldu. Amma ''Qalatasaray''da oynayırsansa, hər şey mümkündü. Biz meydanda hər zaman əlimizdən gələnin ən yaxşısını etməyə çalışırıq. Ona görə də bir tərəfdən normal nəticədi. ''Qalatasaray''da oynamaq asan deyil. Hətta bu cür qələbədən sonra da bizə irad bildirənlər oldu. Şərhlərdə gördüm ki, bir çoxları ''həmin o 1 qolu niyə buraxdız'' deyərək narazılığını bildirib. Xarici görünüşcə Kənan Yıldıza bənzədiyimi çox adam mənə deyib. Ümid edirəm ki, xarakter baxımından da bənzəyəcəyik. Çünki bu cür gənc yaşda bu səviyyədə oynaya bilmək üçün güclü xarakterə malik olmalısan. Mən də onun səviyyəsinə çatmaq arzusundayam. Mən də onun kimi cinahda oynayıram. Amma baş məşqçi hansı mövqedə istəsə, orda oynamağa hazıram''.