Türkiyə çempionatında ötən həftəsonu baş tutan 17-ci turun oyunlarından sonra ilk dövrə başa çatdı və ikihəftəlik fasilə yaranıb.

İlk 17 tura aid bəzi göstəricilər diqqət çəkir. Bu 17 turda 153 qarşılaşma oynanılıb. Superliqada yer alan 19 komandanın heyətində ümumilikdə 479 futbolçu meydana çıxıb.

Maraqlıdı ki, ilk dövrədə əcnəbi futbolçuların sayı, yerli oyunçulardan çox olub! Belə ki, 479 futbolçudan 222-si yerli, 257-si əcnəbi olub. 19 klubdan yalnız 4-də yerli oyunçuların sayı əcnəbiləri üstələyib. Bu klubların arasında ''Fənərbaxça''nın da yer alması diqqət çəkir (digərləri ''Eyüpspor'', ''Bodrum'' və ''Adana Dəmirspor''du). Joze Mourinyo ümumilikdə 29 futbolçunun xidmətindən yararlanıb ki, bunlardan 15-i yerli, 14-ü əcnəbidi!

İstanbulun digər nəhənglərinə gəlincə, ''Qalatasaray''da meydana çıxan 26 futbolçudan 10-u yerli 16-sı əcnəbi, ''Beşiktaş''da isə 27 futbolçudan 10-u yerli, 17-si əcnəbidi. ''Trabzonspor''da bu göstərici yarıbayarıdı (15/15).

ƏLİ