“Elman Sultanovun kobudluğu məsələsi doğru deyil. Guya narazılıq edən kimsə rəhbərliyə qədər gedib çıxıb. Belə şey yoxdu. Bu xəbərləri dərc edənlərin heç biri kluba zəng vurub fikir öyrənməyib. Klubun daxilində baş məşqçinin kobudluğu, futbolçuların narazılığı ilə bağlı heç bir problem yoxdu. Nizam-intizam qaydasını pozan futbolçular var ki, bu da bütün klublarda baş verir. Bizdə də nizam-intizama əməl etməyən futbolçular var idi, yola saldıq. Bir futbolçu məşqə gəlmirsə, müqavilədə qeyd olunan öhdəliyi yerinə yetirmirsə, onu heyətdə saxlaya bilmərik. Bu məlumatların hamısı əsassızdı. Ötən il ikinci liqanın qalibi olduq. Bir məqamı da unutmayaq ki, biz həm də birinci liqanın debütantıyıq. “Qəbələ”ni demirəm, onsuz da premier-liqa təcrübəsi olan komandadı. Bizi və “Cəbrayıl”ı çıxmaq şərti ilə birinci liqada oynayan komandaların hamısı uzun illərdi bu liqada çıxış edir. Belədə bizim kimi gənc komanda üçün bu cür liqada oynamaq çətindi. Amma hazırda qərarlaşdığımz yer və topladığımız xallar onu göstərir ki, biz burda “qapazaltı” komandalardan deyilik. Elə olmaq fikrimiz də yoxdu. Komanda bacara biləcəyinin ən yaxşısını etmək istəyir. Turnir cədvəlinin yuxarı pillələrinə qədər qalxmaq üçün əlindən gələni edəcək. Hər oyunda maksimum xal qazanmaq üçün meydana çıxırıq. Amma alınmırsa, bu, futbolçuların gənc və birinci liqa təcrübəsinin az olmasına görədi. Bu o demək deyil ki, biz əlimizi yanımıza salmışıq. Təcrübə yığdıqca düşünürəm ki, “Baku Sportinq” də bu liqada sözünü deyəcək”.