“6 aylıq icarə əsasında Şamaxıda oynayacam” – Cəlal “Arda” ilə necə anlaşıb?
“Şamaxı” hələ rəsmi təqdimat etməsə də, Cəlal Hüseynovun transferindən xəbərdarıq.
2023-cü ildə Bolqarıstan çempionatında mübarizə aparan “Arda”ya keçən Hüseynov son vaxtlar heyətə düşməkdə problem yaşadı. Yığma üzvü mövsümün əvvəlində “Kəpəz”ə də keçməyə yaxın olsa da, transfer bəzi səbəblərdən baş tutmamışdı. Amma Bolqarıstan təmsilçisi ilə müqavilə müddəti davam edən futbolçunun gözlənilməz qayıdışı da suallar doğurdu. Müqaviləni özü pozubsa, Cəlal “Arda”ya, ya da əksinə olubsa, “Arda” həmyerlimizə təzminat ödəməlidi. Ya da böyük ehtimalla icarə əsasında Azərbaycana qayıdıb. Bəs futbolçu “Arda” ilə necə razılaşıb? Cəlal “Football-plus.az”ın sualına belə cavab verdi:
“Hazırda “Şamaxı”ya transfer olunuram. 6 aylıq icarə əsasında “Şamaxı”da oynayacam. Bundan sonra bir mövsüm daha “Arda” ilə müqaviləm var. Yayda nəyin necə olacağına qərar verəcəyik”.
RÖYANƏ OĞUZ
Digər xəbərlər
