“Milan” rəhbərliyi aparıcı futbolçuları qorumaqda maraqlıdı.

Tezliklə bir neçə oyunçu ilə müqavilə yenilənəcək. İnsayder Fabritsio Romanonun məlumatına görə, qapıçı Mayk Menyanla müddəti 2029-cu ilin yayına qədər nəzərdə tutulan müqavilə imzalanacaq. Həmçinin yarımmüdafiəçi Ticani Reynders və vinger Kristian Pulişiçin də klubla razılığa gəldikləri bildirilir.

Menyan bu mövsüm “Milan”ın heyətində 21 oyuna çıxıb, 24 qol buraxıb və 7 matçda qapısını toxunulmaz saxlayıb. Reynders 21 matçda 7 qol vurub və 3 məhsuldar ötürmə edib. Bu ilin sonuna qədər sıradan çıxan Pulişiç isə cari mövsümdə komandada 20 oyuna çıxıb, 8 qol vurub və 6 məhsuldar ötürmə edib.