A seriyasının 15-ci turunda qeydə alınan nəticələrdən sonra lider dəyişdi. Öz meydanında xal qazana bilməyən “Napoli” mövqeyini əldən verdi.

Antonio Kontenin komandası ötən cümə axşamı Romada “Latsio”ya 1:3 hesabıyla uduzaraq İtaliya kubokunda mübarizəni 1/8 finalda dayandırmışdı. Həmin oyunda bir çox aparıcı futbolçulara start heyətində şans verməyən mütəxəssis bu dəfə təbii ki, bütün vacib oyunçulardan yararlandı. Bir neçə gün əvvəl neapolluları ehtiyat qüvvənin üzvü sayılan Noslinin het-triki ilə məğlub edən paytaxt komandası bu dəfə rəqib meydanında qarşısıalınmaz oldu.

Romalılar məhz meydana ikinci hissədə çıxan Noslinin ötürməsi ilə İsaksenin vurduğu yeganə qolla qalib gəldilər. Matç neapolluların topa böyük ölçüdə nəzarəti ilə yadda qalsa da, ev sahibləri qapıya yalnız bir dəqiq zərbə endirə bildilər. Həmin epizodda Provedel Maktomineyin hesabı açmasına mane oldu. Qonaqların 3 dəqiq zərbəsindən biri isə nəticəni müəyyən etdi. Beləliklə, üç gün ərzində “Latsio”dan ikinci zərbəni alan “Napoli” 6-cı turdan tutduğu 1-ci yeri tərk etdi.
Ona görə ki, “Atalanta” “Milan”dan maksimum xal aldı. Evdə 2:1 hesabıyla qalib gələn berqamoluların yayda milanlılardan birdəfəlik aldığı De Ketelare sabiq komandasına qarşı çox yaxşı oynadı. O, hesabı açandan 10 dəqiqə sonra Morata cavab qolunu vurmaqla qonaqları ümidləndirdi. Lakin sona yaxın Lukmanın dəqiq zərbəsi ölkə nəhənginin evə əliboş dönüşünü qaçılmaz etdi.

Qələbələri sıralayan “Atalanta” ilk dəfə vahid liderliyi ələ aldı. Can Pyero Qasperininin komandasının bu mövsüm yalnız 1-ci turdan sonra topların daha yaxşı fərqinə əsasən zirvədə olduğunu da bildirək.

Turu qələbə ilə başa vuran “İnter”, “Fiorentina” və “Latsio” hərəyə 31 xalla 3-5-ci yerləri bölüşürlər.

15-ci tur
İnter – Parma 3:1
Dimarko, 40. Barella, 56. M.Türam, 67 – Darmian, 81-öz qapısına. (71879)
İnter: Zommer, Dimarko (Byukenen, 71), De Vrey, Bissek (Palasios, 90+3), A.Bastoni (Darmian, 76), Dyumfris, Barella, Mxitaryan, Çalhanoğlu (Asllani, 71), Lautaro Martines, M.Türam (Korrea, 71).

Atalanta – Milan 2:1
De Ketelare, 12. Lukman, 87 – Morata, 22. (22606)
Atalanta: Karnesekki, Kolaşinats, Hin, Cimşiti (Kossunu, 76), Rucceri (Skalvini, 76), De Roon, Bellanova, Ederson, Paşaliç (Samarciç, 76), Lukman (Breşianini, 90), De Ketelare (Retegi, 76).
Milan: Menyan, Ernandes, Tiav, Qabbya, Emerson, Reynders, Fofana, Leao, Musa (Çukvueze, 90+2), Pulişiç (Loftus-Çik, 38), Morata (Abraham, 78).

Yuventus – Bolonya 2:2
Koopmeyners, 62. Mbanqula, 90+2 – Ndoy, 30. Pobeqa, 53. (40748)
Yuventus: Perin, Danilo, Kalulu, Qatti (Savona, 80), Kambyaso (Rouhi, 14), Facoli (K.Türam, 64), Lokatelli (Yıldız, 64), Koopmeyners, Vea (Mbanqula, 80), Konseysao, D.Vlahoviç.
Bolonya: Skorupski, Miranda, Lukumi, Beukema, Holm (Poş, 84), Pobeqa (Moro, 80), Fröyler, Dominqes (Aylinq, 84), Odqor (Fabbian, 60), Ndoy, Kastro (Dallinqa, 80).

Roma – Leççe 4:1
Salemakers, 13. Mançini, 59. Pizilli, 66. Kone, 86 – Krstoviç, 40-p. (58213)
Roma: Svilar, Ndika, Hummels (Ermoso, 81), Mançini, Anxelinyo, Çelik (Əbdülhəmid, 23), Kone, Paredes, Əl-Şaaravi (Zalevski, 81), Salemakers (Pizilli, 56), Dibala.

Fiorentina – Kalyari 1:0
Kataldi, 24. (19851)
Fiorentina: De Xea, Qosens, Ranyeri, Komutso, Dodo, Kataldi, Adli (Qudmundsson, 67), Sottil (Riçardson, 67), Beltran (Parizi, 83), İkone (Kolpani, 56), Kuame (Ken, 56).

Napoli – Latsio 0:1
İsaksen, 79.
Napoli: Meret, Olivera, Buoncorno, Rrahmani, Di Lorentso, Maktominey (Gilmor, 82), Lobotka (Raspadori, 82), Zambo Angissa (Folorunşo, 90+4), Kvaratsxeliya, Politano (Neres, 76), Lukaku (Simeone, 90+4).
Latsio: Provedel, Tavareş, Xila, Romanyoli (Patrik, 61), Maruşiç (Latsari, 90+3), Dele-Başiru, Genduzi, Zakkanyi, Dia (Noslin, 72), İsaksen (Jiqo, 90+3), Kastelyanos (Pedro, 72).

Cenoa – Torino 0:0
(32363)

Verona – Empoli 1:4
Tenqstedt, 35 – Espozito, 16; 19. Kakaçe, 32. Kolombo, 42. (23949)

Venetsiya – Komo 2:2
Pohyanpalo, 16. Oristanio, 70 – Kandela, 50-öz qapısına. Belotti, 56. (8026)

Montsa – Udineze 1:2
Kiryakopulos, 47 – Lukka, 6. Biyol, 70.

1. Atalanta 15 11 1 3 38-17 34
2. Napoli 15 10 2 3 21-10 32
3. İnter 14 9 4 1 34-15 31
4. Fiorentina 14 9 4 1 28-10 31
5. Latsio 15 10 1 4 30-17 31
6. Yuventus 15 6 9 0 24-10 27
7. Milan 14 6 4 4 24-16 22
8. Bolonya 14 5 7 2 20-18 22
9. Udineze 15 6 2 7 18-22 20
10. Empoli 15 4 7 4 14-15 19
11. Roma 15 4 4 7 18-21 16
12. Torino 15 4 4 7 16-20 16
13. Cenoa 15 3 6 6 13-24 15
14. Parma 15 3 6 6 21-25 15
15. Kalyari 15 3 5 7 15-25 14
16. Leççe 15 3 4 8 8-26 13
17. Komo 15 2 6 7 16-28 12
18. Verona 15 4 0 11 18-37 12
19. Montsa 15 1 7 7 13-19 10
20. Venetsiya 15 2 3 10 13-27 9

Bombardirlər: Retegi (Atalanta) - 12, M.Türam (İnter) - 10, Ken (Fiorentina) - 9, Lukman (Atalanta) - 8.

Turun rəqəmi
9 - “Atalanta” uğurlu oyunlar seriyasını davam etdirdi. Berqamolular ölkə çempionatında ardıcıl 9-cu qələbəsini qazanmaqla öz rekordunu təkrarladılar. Xatırladaq ki, “Atalanta” ilk dəfə belə seriyaya 2020-ci ilin fevralından iyuluna qədər nail olmuşdu.

Turun ulduzu
Qustav İsaksen (Latsio) - “Latsio”nun “Napoli” üzərində inamlı qələbəsində danimarkalı yarımmüdafiəçinin böyük rolu oldu. Qustav matçboyu rəqibin arxa xəttini təhlükə altında saxladı. İlk hissədə Meret onun uzaqdan endirdiyi zərbənin qarşısını çətinliklə aldı. Ancaq sona yaxın İsaksenin zərbəsi qarşısında aciz qaldı.

Turun sitatı
Paulu Fonseka, “Milan”ın baş məşqçisi: